Ağcabədidə azyaşlının xəsarət alması ilə nəticələnən yol-nəqliyyat hadisəsi baş verib. Hadisə rayonun Xocavənd kəndində qeydə alınıb. Avtomobil yolu keçən 2010-cu il təvəllüdlü Cəfərova Məxmər Rəsul qızını yaşadığı evin qarşısında vurub. Yaralı təcili tibbi yardımın köməkliyi ilə Bakıda yerləşən xəstəxanaların birinə çatdırıb. Müayinə zamanı ona müştərək travma diaqnozu qoyulub.
Bakıda isə biri uşaq olmaqla daha dörd nəfəri avtomobil vurub. Beləki, Xətai rayonunda avtomobil 10 yaşlı uşağı vurub. Xəsarət alan Dadaşlı Ayxan Ceyhun oğlu təcili tibbi yardımın köməkliyi ilə xəstəxanaya çatdırılıb.
Yasamal rayonunda avtomobil 17 yaşlı gənci vurub. Hadisə “20 Yanvar” metro stansiyasının yaxınlığında baş verib. Yolu keçən 2004-cü il təvəllüdlü Rəsulov Allahyar Kamal oğlunu avtomobil vurub. Yaralı xəstəxanaya çatdırılıb.
Binəqədi rayonunda isə 46 yaşlı qadın ağır xəsarət alıb. Motosiklet yolu keçən Əkbərova Milana Nikolayevnanı vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol topuğun sınığı diaqnozu qoyulub.
Bir qadın da Suraxanı rayonunda xəsarət alıb. Belə ki, Qaraçuxur qəsəbəsi, Ə.Mehbalıyev küçəsində avtomobil yolu keçən 1983-cü il təvəllüdlü Məmmədli Vəfa Xanlar qızını vurub. Yaralı təcili tibbi yardımın köməkliyi ilə xəstəxanaya çatdırılıb.
Bütün faktlar üzrə araşdırma aparılır.(virtualaz.org)
pia.az