Bazar, 27 Sentyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

“Azərbaycanda istehsal olunan avtomobildə yerli olan yalnız təkərlərinə vurulan havadır”

Azərbaycan hökumətinin vintaçanla (otvertka) avtomobil, traktor yığmaq, bu prosesin də adını “istehsal” qoymaq sevdasını bilirsiniz. Ölkədə valyuta çıxaran layihələrdir, çünki bütün detallar xaricdən valyuta ilə alınır, məmləkətdə vintaçanla bərkidilir, yəni həm avtomobildə, həm də traktorda yerli olan ancaq təkərlərinə vurulan havadır – qalan hər şey xaricdən dollarla gətirilir”.

Bunu iqtisadçı Natiq Cəfərli deyib.

N.Cəfərli qeyd edib ki, 2020-ci ilin yanvar-avqust aylarında ölkədə 1170 minik avtomobili yığılıb, bu da keçən ilin eyni dövrü lə müqaisədə 326 әdәd və ya 21,8% azdır: “Avtomobillərin 119 ədədi anbarlarda qalıb, aprel ayına qədər (yəni, ilk 3 ayda) Əmək və Əhalinin Sosial Müdafiə nazirliyi 164 ədən avtomobil alıb. Aprel ayından sonra məlumat tapa bilmədim, amma bu il 600-ə yaxın avtomobil almalıdı. Yəni, vintaçanla yığılan maşınların böyük əksəriyyətini büdcə pulu ilə nazirliklər və dövlət qurumları ilə satın alırlar – adını da istehsalat, yerli istehsalçıya dəstək qoyublar. Ümumilikdə son illər dövlət-hökumət qurumları yerli istehsal adı altında 6424 avtomobil alıblar ki, güya, yerli istehsalçını dəstəkləyirlər, əslində isə İran, Çin, Belarus istehsalçılarını maliyyələşdiriblər. Gələk traktorlara, bu ilin ilk 8 ayında ölkədə 165 ədəd traktor yığılıb ki, bu da keçən ilin eyni dövrünə nisbətən 79,8% azdır. Bu il sentyabrın 1-nə ölkədə 144 ədəd hazır məhsul ehtiyatı yaranıb. Yəni, 165 traktor yığılıb, onun da cəmi 21 ədədi satılıb, qalanı anbarlardadı. Traktorları alan da fermerlər deyil ha, yenə dövlət büdcəsi hesabına dövlət orqanlarıdır. Qısası, bu sevda məmləkətə ciddi ziyan vurur, valyuta ilə alınan ehtiyat hissələri ölkədə yığılır, sonra bu məhsul dövlətin özünə büdcə vəsaiti hesabına satılır, büdcədən manatla ayrılan vəsait sonra dollara çevrilib ölkədən çıxır. Mən demirəm ki, bizdə avtomobil, traktor istehsal edilməsin, təbii ki, mümkündür, amma bu o zaman istehsal sayılacaq ki, istifadə olunan parçaların, ehtiyat hissələrinin ən azı 30%-i məmləkətdə istehsal olunsun – bax bu olacaq avtomobil sənayesi. İndi vintaçanla maşın-traktor yığmaq, bunu “uğur” kimi təqdim etmək həm məntiqsizdir, həm də ziyanlı – yerli istehsal təkərə vurulan hava ilə ölçülmür”.(pravda.az)

pia.az




Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Paşinyan xalqa müraciət etdi: “Azərbaycan Ordusu Qarabağda irəliləyir”

Azərbaycanın bir sıra əraziləri işğaldan azad edildi - Rəsmi, Siyahı

Müdafiə Nazirliyi cəbhədəki son vəziyyətlə bağlı yeni məlumat yaydı

Ermənistandan Qarabağa gedən yollardan biri bağlanıb

Toplarımızın səsi Xankəndində eşidilir - Düşmən təşvişdə

Düşmənin döyüş texnikaları belə məhv edildi - Video

Ermənistan ölən hərbiçilərin adlarını açıqladı - Siyahı

Gömrük Komitəsinin açıqlaması gülüşə səbəb oldu - Foto

Azərbaycan Ordusu daha bir kəndi erməni işğalından azad edib

Baş Prokurorluq yaralıların sayını və adlarını açıqladı

Prezident İlham Əliyev xalqa müraciət etdi: "Biz haqq yolundayıq!"- Yenilənib

loading...

Ən çox oxunanalar