Bazar, 26 İyun 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Azərbaycanda hibrid avtomobillərinə güzəştlər tətbiq edilməyə başlanılıb

Azərbaycanda ekoloji təmiz nəqliyyat vasitələrinə bir sıra güzəştlər tətbiq edilməyə başlanılıb.

Bu barədə "Report"a ekologiya və təbii sərvətlər nazirinin müşaviri Rasim Səttarzadə məlumat verib.

Onun sözlərinə görə, müasir dövrdə sənayeləşmənin və nəqliyyat vasitələrindən istifadənin artması, xüsusilə böyük şəhərlərdə atmosfer havasının keyfiyyətinə mənfi təsir göstərir: "Son zamanlarda ətraf mühitə dost olan qabaqcıl texnologiyaların tətbiqi və müəssisələrin modernləşdirilməsi nəticəsində sənaye sektorundan ətraf mühitə təsirlər əhəmiyyətli dərəcədə azalıb. Hazırda atmosferə atılan çirkləndiricilərin əsas mənbəyi nəqliyyat vasitələridir. Statistika göstərir ki, ölkəmizdə istismarda olan avtomobillərin 80 faizindən çoxunun yaşı 10 ildən çoxdur, ekoloji təmiz nəqliyyat vasitələrinin faizi isə çox azdır. Bütün bunları nəzərə alaraq qabaqcıl beynəlxalq təcrübəyə uyğun ölkəmizdə də ekoloji təmiz elektrik və hibrid avtomobilləri və onların istifadəsi üçün zəruri olan enerji doldurucularına bir sıra maliyyə güzəştləri tətbiq edilməyə başlanıb".

Nazir müşaviri qeyd edib ki, paralel olaraq avtoparkın yenilənməsini təşviq etmək məqsədilə bu ildən istehsal tarixindən asılı olaraq minik avtomobillərinin idxalı zamanı differensial yanaşma tətbiq olunur: "Bu məsələ son illərdə təsdiq edilmiş starteji sənədlərdə də öz əksini tapır. “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı”, “Azərbaycan 2030: sosial-iqtisadi inkişafa dair Milli Prioritetlər” sənədində ekoloji cəhətdən təmiz nəqliyyat vasitələrindən istifadənin genişləndirilməsi məsələsinə geniş yer verilib”.

“Biznes mühiti və beynəlxalq reytinqlər üzrə Komissiyanın nəzdində yaradılmış İşçi Qrupun 2022-ci il üzrə təsdiqlənmiş “Ekoloji təmiz nəqliyyat vasitələrinin stimullaşdırılması və təşviqi” üzrə Yol Xəritəsinin icrasında dövlət və özəl sektor nümayəndələri koordinasiyalı şəkildə fəaliyyət göstərir”.

O vurğulayıb ki, görülən tədbirlər nəticəsində son illərdə ekoloji təmiz nəqliyyat vasitələrinin sayında müəyyən artım müşahidə olunsa da, hələ də nəqliyyat parkında bu cür avtomobillər kiçik bir yer tutur: "Avtonəqliyyat vasitələrinin ətraf mühitə mənfi təsirini kifayət qədər azaltmaq üçün nəqliyyat parkının yenilənməsi prosesini sürətləndirmək və ekoloji təmiz nəqliyyat vasitələrindən, həmçinin ekoloji təmiz yanacaqdan istifadəni genişləndirmək istiqamətində əlavə stimullaşdırıcı tədbirlərə ehtiyac var".

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

ABŞ-ın Minsk qrupu ilə bağlı təzyiqləri - Vaşinqton erməni dəyirmanına niyə su tökür?.. - Müsahibə

Prezident bir qrup hərbi qulluqçunu təltif edib - Siyahı

Borell: “İranla müzakirələrə yenidən başlamağa qərar vermişik” - Yenilənib

Bakıdan Füzuliyə yola düşən ilk sərnişin avtobusu mənzil başına çatıb - Yenilənib

Bığına görə töhmət aldı, həbsdən qorxub Gəncədən qaçdı, arvadından sonra evlənmədi

Qüdrət Həsənquliyev: “Azərbaycan ordusu Zəngəzuru götürməlidir”

Siyavuş Novruzov: “Lapşinlə bağlı məsələni İnterpol vasitəsilə yenidən qaldırmaq lazımdır”

Azərbaycanda vəzifədə olan altı diplomsuz şəxs işdən qovuldu

“Qarabağ” bu gün Rumıniya klubu ilə oynayacaq

Ən çox oxunanalar