Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Azərbaycanda bərpa olunan enerjiyə beynəlxalq dəstək göstəriləcək

Qara Dəniz Ticarət və İnkişaf Bankı (BSTDB) Azərbaycanda bərpa olunan enerjinin inkişafına dəstək verməyə hazırdır.

“Report” “Daily Research Chronicle”ə istinadən xəbər verir ki, daha çox Bolqarıstanda əldə edilən təcrübədən Azərbaycanda da bəhrələnmək nəzərdə tutulur. İlk olaraq da müvafiq tənzimləmə məsələlərinə diqqət yetiriləcək.

“İdarəetmədə səlahiyyətlərin paylaşılması bu sahədəki bir təchizatçının hökmranlığına son qoyaraq inhisarçılığı aradan qaldırmağa kömək edəcək. Həmçinin bərpa olunan enerjinin çevikliyi sayəsində yeni kadrları üzə çıxarmaq mümkün olacaq. Həmin mütəxəssislər enerji sektorunun başqa sahələrini də inkişaf etdirə bilər”, – deyə bankın açıqlamasında bildirilir.

Hazırda BSTDB tərəfindən Azərbaycana 39 layihə üçün ayrılmış kreditlərin məcmu məbləği 437 milyon avrodur. Bunun 34,82 %-i enerji sektorunun payına düşür. Ayrılan kreditlərin sonuncusu 2019-cu ilin dekabr ayında “SOCAR AQŞ”yə BSTDB-nin üzv ölkələrindən sənaye avadanlığı idxalı üçün 20 milyon avro məbləğində ayrılmışdı. Bununla yanaşı, 2019-cu ildə “SOCAR Trading S.A.” üçün Türkiyədəki STAR neftayırma kompleksi üçün Rusiyadan “Urals” markalı neft satın almaq məqsədilə 50 milyon ABŞ dolları həcmində kredit ayrılıb.

Həmçinin 2015-ci ildə “Şahdəniz” layihəsinin ikinci mərhələsini maliyyələşdirmək məqsədilə “LUKoil Overseas Shah Deniz Ltd”yə 60 milyon ABŞ dolları ayrılıb. Həmin layihəyə "Şahdəniz"də iki dəniz platformasının tikilərək körpü ilə birləşdirilməsi, Səngəçal terminalının genişləndirilməsi, Cənubi Qafqaz boru kəmərinin Türkiyə-Gürcüstan sərhədinədək uzadılması daxil idi.

Qeyd edək ki, BSTDB Qara Dəniz İqtisadi Əməkdaşlıq Təşkilatının 11 üzv ölkəsini birləşdirir. Nizamnamə kapitalı 3,45 milyard avro olan bankın kapitalında Türkiyə, Yunanıstan və Rusiya 16,5 %, Rumıniya 14 %, Ukrayna və Bolqarıstan 13,5 %, Azərbaycan 5 %, Albaniya 2 %, Ermənistan 1 %, Gürcüstan və Moldova 0,5 % paya malikdir. BSTDB-nin “S&P” reytinqi “A”, “Moody”s” reytinqi də “A2”-dir.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Məşhur vəkilə qarşı ittiham: 7 min manat pul alıb    

Politoloq: Ukraynadan sonra növbəti qurban Ermənistan seçiləcək...

Ərəstun Oruclu: Ermənistanda və Moldovada konfliktlərin qaynar fazaya keçməsini istisna etmirəm...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Azərbaycanda pensiyaçıların sayı 2026-cı ilə qədər azalacaq

Əhməd Əhmədov təcridxanaya qaytarıldı - Bundan sonrakı hüquqi qiymətləndirmə necə olacaq?

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

Ən çox oxunanalar