Bazar ertəsi, 14 Oktyabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Azərbaycanda 147-ci teatr mövsümünün açılışı keçirilib - Foto

Sentyabrın 17-də Azərbaycanda 147-ci teatr mövsümünün açılışı olub

APA-nın məlumatına görə, Şuşa Dövlət Musiqili Dram Teatrında keçirilən açılışda Mədəniyyət naziri Əbülfəs Qarayev, mədəniyyət və incəsənət xadimləri iştirak ediblər. Nazir 147-ci teatr mövsümünün açılışının Şuşa Dövlət Musiqili Dram Teatrında baş tutmasının xüsusi əhəmiyyəti olduğunu bildirib: “Bu ondan xəbər verir ki, Şuşa şəhəri işğal altında olsa da teatrın nümayəndələri yaradıcı axtarışlarını davam edirlər. Mən əminəm ki, biz cənab Prezident İlham Əliyevin siyasəti nəticəsində Şuşa teatrının növbəti mövsümünün açılışını Şuşada qeyd edəcəyik”.

Ə.Qarayev ölkə başçısının səyi nəticəsində bir sıra işlər görüldüyünü vurğulayıb: “Respublikada görülən işlər, yaradılan şərait yaradıcı insanlardan da yan keçmir. Şuşa Dövlət Musiqili Dram Teatrının təmir olunması barədə sərəncamın verilməsi də bu qayğının nəticəsidir”.

Teatrların beynəlxalq festivallarda da uğurlar qazandığını diqqətə çatdıran nazir ölkə başçısının teatr sənətinin inkişafına böyük həssaslıqla yanaşdığını deyib: “Ötən mövsümdə biz Azərbaycan teatrına bu qayğını gördük. Mart ayında cənab prezident İlham Əliyev və Birinci vitse-prezident Mehriban xanım Əliyevanın mədəniyyət xadimləri ilə görüşünün nəticəsi hamıya məlumdur. Bir sıra sənət adamlarına fəxri adlar, evlər verildi. Bu proses gələcəkdə də davam edəcək. Bizim işimiz odur ki, bu qayğının layiqincə dəyərləndirək və Azərbaycan teatrlarında olan mühiti daha da möhkəmləndirmək, sağlamlaşdıraq. Mən fədakar teatr xadimlərinə təşəkkürümü bildirirəm. Sizin əməyiniz bizim və xalq tərəfindən qiymətləndirilir. Mən əminəm ki, 147-ci teatr mövsümü də maraqlı olacaq”.

Sonra Altay Məmmədovun “Kitabi-Dədə Qorqud” dastanı əsasında yazdığı “Dəli Domrul” tamaşası nümayiş olunub.

Tamaşanın quruluşçu rejissoru, teatrın baş rejissoru Əməkdar artist Loğman Kərimov, rəssamı Valeh Məmmədov, rejissor assistenti Zəhra Salayeva, musiqi tərtibatçısı Ağasəlim Feyzullayevdir.

Rolları Məmməd Məmmədov, Püstəxanım Zeynalova, Zəhra Salayeva, Mobil Qurbanov, Hamlet Qənbərov, Emin Sevdiməliyev və Əməkdar artist Azad Məmmədov ifa ediblər.

Qeyd edək ki, Prezident İlham Əliyevin sərəncamına əsasən, Şuşa Dövlət Musiqili Dram Teatrının binası əsaslı şəkildə təmir olunaraq 24 dekabr 2018-ci il tarixində kollektivin ixtiyarına verilib.

pia.az

Fotolar



Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627


Şərh yazın.

loading...

Ən çox oxunanalar