Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Azərbaycana gətirilən hibrid və elektrik avtomobillərə görə gömrük güzəşti edilə bilər

Hibrid avtomobillərin alınması və istismarı daha ucuz başa gəlir ki, bu da Gürcüstanda həmin növ avtomobillərin istifadəsini daha populyar edib

PİA.az BAKU.WS-ə istinadən xəbər verir ki, 2016-cı ildən etibarən Gürcüstanda elektromobillərin idxalı ilə bağlı gömrük rüsumu 50% aşağı düşüb. Qonşu ölkədə hibrid və elektrik avtomobillərlə bağlı güzəştlər olsa da, Azərbaycanda belə bir hal mövcud deyil. Ölkəmizə gətirilən hibrid və digər ekoloji təmiz avtomobillərin idxal rüsumlarına gələn ilin dövlət büdcəsi zərfində baxılacaq.

Bəs, Azərbaycan tərəfi nə üçün hibrid avtomobillərlə bağlı gömrük rüsumlarında güzəştə getmir? Bu növ avtomobillərlə bağlı gömrük rüsumunun ləğvi Azərbaycana nə kimi müsbət təsir edə bilər?

Azərbaycan tərəfi bu tip avtomobillərin rüsumu ilə bağlı hansı güzəştləri etsə, məqsədəuyğun olar? Bu tip avtomobillərin sayının ölkəmizdə artmasının müsbət və mənfi cəhətləri nədən ibarət olacaq?

Bu kimi suallara cavab tapmaq üçün iqtisadçı-ekspert Ramil Osmanlıya müraciət etdik. O, bildirdi ki, Gürcüstanda hibrid maşınlarla bağlı güzəştlər olsa da, Azərbaycan hökumətinin bu məsələyə yanaşması fərqlidir.

"Əslində qeyd etdiyiniz kimi ortada təcrübə mövcuddur. Gürcüstan təcrübəsi var. Sadəcə hökumətlərin məsələyə yanaşması fərqlidir. Gürcüstan tərəfi məsələyə daha konseptual yanaşır. Çünki ölkə həm elektromobil, həm də digər avtomobil vasitələrinin idxal və ixrac sahəsində xeyli inkişaf edib. Hətta Azərbaycan avtomobil bazarının belə inkişafında Gürcüstanın payı böyükdür. Sadəcə Azərbaycan hökuməti hesab edir ki, ölkəyə avtomobil axının qarşısının alınması üçün gömrük rüsumları və vergilərin artırılmasına ehtiyac var. Hökumət bunu iqtisadi əsaslarla əlaqələndirir. Azərbaycan bəzi inzibati metodlarla ölkədə avtomobilləşmənin qarşısını alır”, - deyə ekspert vurğuladı.

Ramil Osmanlı əlavə etdi ki, hibrid və elektrik avtomobillərlə bağlı güzəştlər ölkədəki ekoloji vəziyyətin yaxşılamasına səbəb olacaq. Eyni zamanda ölkədəki avtomobil parkına da öz tövhəsini verəcək:

Azərbaycanda avtomobil parkının yenilənməsinə ehtiyac var. Ümumilikdə ölkədə avtomobil parkının 30 faizdən çoxu istismara yararsızdır. Təbii ki, Azərbaycan hökuməti hibrid və elektrik avtomobillərin ölkəyə daxil olması ilə bağlı islahatlar aparmalıdır. Hesab edirəm ki, Azərbaycan hökuməti Gürcüstanın mövcud imkanlarını tam ələ keçirə bilər. Gömrük rüsumlarını azaltmaq və ya hansısa güzəştlər etməklə regionda tranzit rolu da oynaya bilər. Azərbaycanın imkanları ona görə genişdir ki, dənizə birbaşa çıxışı var. Digər ölkələrə də bu növ avtomobillərin daşınmasını təşkil edə bilər”.

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Azərbaycanda tanınmış alim əşyaları ilə birlikdə küçəyə atıldı - Video

Şəkidə 26 yaşlı gənc sirkə turşusundan zəhərlənib

Ən çox oxunanalar