Rusiya sülhməramlılarının nəzarəti altında Azərbaycanla Ermənistan arasında əsirlərin dəyişdirilməsi prosesi baş tutub.
PİA.az xəbər verir ki, bu barədə Rusiyanın Qarabağdakı sülhməramlı kontingentinin rəhbəri general Rüstəm Muradov deyib.
"Şəxsən mənim nəzarətim altında rus sülhməramlılarının apardıqları iş nəticəsində Rusiya Hərbi Kosmik Qüvvələrinin təyyarəsilə əsirlikdə olan bir nəfər Bakıya çatdırıldı, 5 nəfər isə İrəvana qaytarıldı”, - Muradov bildirib.
***
Azərbaycan daha beş erməni hərbi əsiri Ermənistana qaytarır.
APA-nın "Sputnik Armenia"ya istinadən verdiyi xəbərə görə, bu barədə bu gün Ermənistan Baş nazirinin müavini Tiqran Avinyan bildirib.
Hərbi əsirlərin qaytarılması Rusiyanın vasitəçiliyi ilə baş tutur.
Erməni hərbi əsirləri daşıyan təyyarə artıq Bakıdan havaya qalxıb.
pia.az