Avtomobil bazarında qiymətlər yenə də qalxdı

Qiyməti yüksələn avtomobillər xüsusilə Almaniya istehsalı olan maşınlardır.

PİA.AZ Axar.az-a istinadənxəbər verir ki, qiymət artımı hər markadan olan avtomobillərdə müşahidə olunur. Bu səbəbdən də Bakının avtomobil bazarlarında durğunluq yaşanır. Satıcılar bildirir ki, avtomobillərin qiyməti hər gün artır. Belə ki, son 3 ayda hər bir avtomobilin qiymətində 1000-2000 manat artım qeydə alınıb.

Bazarda ən çox tələb isə mühərrik həcmi kiçik olan, yəni benzin az tələb edən avtomobillərədir. Bu tələb də məhz bu kateqoriyadan olan avtomobillərin qiymətini artırır.

Məlumata görə, alıcılar indi daha çox ehtiyat hissələri ucuz olan avtomobil almağa üstünlük verir. Almaniya istehsalı olan avtomobillərə tələbat çox olduğu üçün bu maşınların da qiyməti qalxıb.

Rusiya istehsalı olan kondisionersiz avtomobillərin də qiyməti bahalaşıb.

Satıcıların sözlərinə görə, payıza doğru bazarda canlanma olmasına baxmayaraq, qiymətlərin ucuzlaşacağı gözlənilmir.

pia.az