Futbol üzrə Avropa çempionatının D qrupunda II tura start verilib.
"Report"un məlumatına görə, ilk oyunda qələbə qazanan Çexiya millisi Xorvatiya yığması ilə qarşılaşıb. Şotlandiyanın Qlazqo şəhərindəki "Hempden Park" stadionunda oynanılan görüş 1:1 hesabı ilə başa çatıb.
Matçda ilk qol 37-ci dəqiqədə vurulub. Penaltidən fərqlənən Patrik Şik çexiyalıları önə keçirib. Bu qol 25 yaşlı hücumçunu hələlik bombardirlər siyahısında birinci sıraya yüksəldib. Komandalar fasiləyə bu hesabla yollanıblar. Xorvatiya yığması ikinci yarının əvvəlindəcə tarazlığı bərpa edib. İvan Perişiç 47-ci dəqiqədə rəqibi məyus edib.
Bu heç-heçədən sonra xallarını 4-ə çatdıran Çexiya millisi ilk pillədəki yerini qoruyub. Xorvatiya isə 1 xalla üçüncüdür.
Qeyd edək ki, D qrupunun digər oyunu bu gün İngiltərə və Şotlandiya yığmaları arasında olacaq. Londondakı "Uembli" stadionunda oynanılacaq görüş Bakı vaxtı ilə saat 23:00-da başlayacaq.
***
Günün ikinci matçı - D qrupunda Xorvatiya və Çexiya yığmaları arasında oyun başlayıb.
***
Xorvatiya-Çexiya matçında komandaların start heyətlərində meydana çıxacaq futbolçuların adları məlum olub.
Xorvatiya: Livakoviç, Qvardiol, Lovren, Vrsalko, Vida, Brekalo, Perişiç, Modriç, Kovaçiç, Rebiç, Kramariç.
Çexiya: Vaçlik, Çelyustka, Kalas, Soufat, Borjil, Yankto, Qoleş, Masopust, Darida, Souçek, Şik.
Qeyd edək ki, Qlazqodakı “Hempden Park” arenasında keçiriləcək oyun Bakı vaxtilə saat 20:00-da başlayacaq.
pia.az
Digərxəbərlər
Populyar xəbərlər
