Futbol üzrə Avropa çempionatında B qrupunun II turuna yekun vurulub.
"Report"un məlumatına görə, turun növbəti qarşılaşmasında Danimarka və Belçika yığmaları üz-üzə gəlib. Kopenhagendəki "Parken" stadionunda təşkil olunmuş qarşılaşma Belçikanın əzmkar qələbəsi ilə yekunlaşıb - 2:1.
Hesabı Danimarka millisinin hücumçusu Yussuf Poulsen açıb. 27 yaşlı forvard 1 dəqiqə 39-cu saniyədə fərqlənərək, Avropa çempionatları tarixinin ikinci ən sürətli qolunun müəllifi olub.
Fasilədən sonra "qırmızı şeytanlar" hesabda dönüş etməyi bacarıb. 55-ci dəqiqədə Torqan Azar, 70-ci dəqiqədə Kevin De Bruyne fərqlənərək, yekun nəticəni müəyyənləşdirib.
Bununla da Rusiyanın ardından (3:0) Danimarkanı da yenən Belçika millisi xalını 6-ya çatdıraraq, B qrupunun lideri kimi 1/8 finala növbəti vəsiqəyə sahib çıxıb. İlk vəsiqəni ötən gün A qrupundan İtaliya yığması əldə edib.
Qeyd edək ki, B qrupunda II turun digər görüşündə Rusiya Finlandiyaya 1:0 hesabı ilə qalib gəlib. Hazırda bu iki komanda 2-3-cü yerləri bölüşür. III turda Belçika Finlandiyanı, Rusiya Danimarkanı sınağa çəkəcək.
***
Belçika hesabı bərabərləşdirdi. İkinci hissədə meydana daxil olmuş Kevin de Bröynenin 55-ci dəqiqədə məhsuldar ötürməsini Torqan Azar qola çevirdi – 1:1.
***
Futbol üzrə Avropa çempionatının Damimarka - Belçika oyunu 10-cu dəqiqədə dayandırılıb.
"Report"un məlumatına görə, bu addım yerli komandanın və İtaliya "İnter"inin yarımmüdafiəçisi Kristian Eriksenə dəstək məqsədilə atılıb. Eriksen ilk turun Finlandiyaya 0:1 hesabı ilə uduzduqları oyun zamanı ürəktutması keçirib.
Fasilə zamanı azarkeşlər və oyun iştirakçıları 29 yaşlı futbolçunu alqışlamaq imkanı əldə ediblər. 10 nömrəli forma ilə çıxış edən Eriksenin şərəfinə tezliklə sağalmasını diləyən bannerlər nümayiş etdirilib.
Danimarka - Belçika oyununda ilk yarı meydan sahiblərinin xeyrinə başa çatıb - 1:0. Yeganə qolu 2-ci dəqiqədə Yussuf Poulsen vurub.
Qeyd edək ki, iyunun 12-də Finlandiya ilə görüşdə Kristian Eriksen huşunu itirərək, yerə yıxılıb. 15 dəqiqə ərzində təcili yardım göstərildikdən sonra onu xəstəxanaya apararaq, vəziyyətini sabitləşdiriblər. Xəstəxanada qalacaq futbolçu üzərində bütün lazımi müayinələr aparılır. İndi həkimlər oyunçuya implant dərialtı kardioverter-defibrillyator quraşdırmaq niyyətindədirlər.
***
Azərbaycanın da ev sahiblərindən biri olduğu AVRO-2020 davam edir.
Oxu.Az xəbər verir ki, bu gün B qrupunun ikinci oyununda Danimarka ilə Belçika üz-üzə gələcəklər.
Danimarka da turnirin təşkilatçı ölkələrindən biri olduğu üçün görüş Kopenhagendə, “Parken” stadionunda keçiriləcək.
Artıq hər iki komanda start heyətlərini açıqlayıb.
Danimarka: Şmeyxel; Kristensen, Kyaer, Vesterqaard, Maehle; Hoybyerq, Delani; Vass, Poulsen, Damsqaard; Breytveyt.
Belçika: Kurtua; Alderveyreld, Denayer, Vertongen; Munye, Tilemans, Dendonker, Torqan Azar; Karrasko, Mertens, Lukaku
Qeyd edək ki, oyun saat 20:00-da start götürəcək.
pia.az
Digərxəbərlər
Populyar xəbərlər
