"Ermənistan ordusu Füzulini atəşə tutmağa davam edir".
Bunu "Yeni Müsavat" qəzetinin Füzuliyə ezam olunmuş reportyorlarına Füzuli rayon icra hakimiyyətinin şöbə müdiri Bayram Niftəliyev deyib.
Bayram Niftəliyev qeyd edib ki, bu vaxta qədər 16 evə ciddi ziyan dəyib, mülki şəxslər arasında yaralananlar var.
İcra hakimiyyətinin rəsmisi bildirib ki, sentyabrın 27-dən etibarən əsasən Horadiz şəhəri, Alıxanlı, Şükürbəyli, Əhəmdalılar, Qazaxlar kəndləri və Zovcuq qəsəbələri atəşə tutulub.
B.Niftəliyev əlavə edib ki, hazırda icra hakimiyyətinin səlahiyyətli şəxsləri zərər dəymiş evlərə baxış keçirir.
Bu barədə daha ətraflı növbəti yazımızda məlumat verəcəyik.
Qeyd edək ki, B.Niftəliyevlə görüşümüz Füzuli rayon icra hakimiyyətinin binası qarşısında baş tutdu. Saat 10:00 radələrində də ermənilər Horadiz şəhəri və ətraf kəndləri atəşə tutmağa davam edirdi. Azərbaycan ordusu ağır artileriyadan düşmən mövqelərinə ağır zərbələr etdirməkdə davam edir.
Bir az əvvəl Müdafiə Nazirliyinin yaydığı rəsmi açıqlamada bildirilir ki, Füzuli istiqamətində ermənilərin iki tankı məhv edilib.
pia.az