Cümə axşamı, 24 Sentyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Ansi Aqolli: "Qarabağ"ın ritmini tutmaq asan deyil"

"Qarabağ"ın sabiq futbolçusu, hazırda ABŞ-ın "Nyu-York Kosmos" klubunda oynayan albaniyalı müdafiəçi Ansi Aqollinin müsahibəsi...

Müəyyən müddətdir ölkəmizdən ayrılmısız. Azərbaycan futbolunu hələ də izləyirsiniz?

- Premyer Liqanı həmişə diqqətdə saxlayıram. Halbuki ABŞAzərbaycan arasında saat fərqi böyükdür. Lakin istənilən halda, "Qarabağ"ın çempionatdakı hər oyununu izləyirəm. Futbolda heç vaxt heç nə asan olmur. Bu mövsüm də "Qarabağ" çox möhkəm komandadır. Onlar hələ də liqada dominantlıq edirlər. Bu da sevindirici haldır.

- Onda "Qarabağ"ı çempionatda lider kimi görmək yəqin sizin üçün təəccüblü deyil. Necə düşünürsünüz, sabiq komandanızı cari mövsümdə də çempionu saymaq olar?

- Məncə, hər kəs "Qarabağ"ın bu mövsüm də çempion olacağını düşünür. Lakin futbolda hər şey ola bilər. "Qarabağ" üçün əsas məsələ stabil olmalarıdır.

- Ağdam təmsilçisi son altı mövsümün qızıl medalçısıdır. Sizcə, onların hegemonluğunun sirri nədədir?

- "Qarabağ"ın ritmini tutmaq asan məsələ deyil, burada bir çox amillər var. Baş məşqçi Qurban Qurbanov komandanın daxilində qalib təfəkkürü yaradıb. İkincisi, kollektivdə gözəl nizam-intizam var. Həmçinin, Qurban Qurbanovun böyük səbir və çalışqanlığı sayəsində qurduğu sistem var. Bu sıraya futbolçuları əlavə edərdim. Bu komandada 6-7 oyunçu var ki, ardıcıl çempionluqlar qazanıblar. Onlar həm ölkə daxilində, həm də xaricdəki oyunlarda böyük təcrübə də yığıblar. Üstəlik, "Qarabağ"ın heyətində liqada hər mövqe üzrə ən yaxşı oyunçular oynayır. Hətta ehtiyat oyunçular skamyası da güclülərdən ibarətdir. Bu da önəmlidir. Kluba dəstək də rol oynayır. Orada mükəmməl insanlar çalışır. “Qarabağ”ın sahibindən tutmuş idman direktoru, menecer, klubda hər kəsi qeyd edərdim. Hamısı da komanda üçün var qüvvəsi ilə çalışan məşqçilərə dəstəkdir. Bütün bunlar onların çox güclü olmasına gətirib çıxarır və digər klubların "Qarabağ"a meydan oxumasına imkan vermir.

- "Qarabağ" və Azərbaycan futbolu üçün darıxdığınız vaxtlar olur?

- Həm "Qarabağ", həm də Azərbaycan üçün darıxıram. Həyatımın ən yaxşı vaxtlarından müəyyən hissəsini ölkənizdə yaxşı insanlarla keçirmişəm. Komanda, klubda çalışdığım insanlar və Qurban Qurbanov üçün darıxıram. "Qarabağ" hər zaman ürəyimdədir və ömürboyu da belə qalacaq.

- Sizdən sonra "Qarabağ"da uzun illər oynamış Riçard Almeyda və Dani Kintana da komandanı tərk etdilər. Onların gedişi Azərbaycan çempionunun oyununa nə dərəcədə təsir göstərəcək?

- Riçard və Daninin "Qarabağ"dan ayrılması yaxşı xəbər deyildi. Hər ikisi uzun illər bu komanda üçün oynadılar və onların gedişilə razılaşmaq asan deyil. Amma özləri belə bir qərara gəldiyindən bu haqda yaxşı və ya pis nəsə deyə bilmərəm. Həm Riçarda, həm də Daniyə hər zaman uğurlu karyera arzulayıram.

- Azərbaycan milli komandasının forvardı Rüfət Dadaşov ABŞ-ın "Finiks Rizinq" klubuna keçib. O, ABŞ-da uğurlu çıxış edə bilər?

- Rüfəti tanıyıram, o, istedadlıdır. ABŞ-a gəldiyinə görə də şadam. Burada futbol hər il inkişaf edir, Rüfətə də inkişaf üçün şans yaranıb. Burada uzun illər qalmasını istəyərdim. Daima oynaması üçün yaxşı durumda olmalıdır və məncə, o, bu şansı dəyərləndirəcək. Burada daima meydanda olması Azərbaycan millisi üçün də yaxşıdır.(apasport)

pia.az


Etiket: Ansi Aqolli


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Zaxarova Lavrovun Qarabağ açıqlamasını təkzib etdi

Oğlunun maşın kolleksiyası ilə bağlı yayılan xəbərlərə Adil Əliyevdən açıqlama

Murad Dadaşov daha bir məşhuru “Xəzər“ə gətirdi - Foto

Pediatr distant təhsilə etiraz etdi: "Biz insanıq, qoyun deyilik"

Ali təhsil müəssisələrinə qəbul nəticələri elan olunub - Yenilənib

Ramiz Mehdiyevin dissertasiyası ilə bağlı AMEA-dan açıqlama  

“Həmzə” diviziyasının komandiri Azərbaycana gələcəkləri ilə bağlı xəbəri təkzib etdi

Əhmədlidə kirayədə qalan bir mühasibin hekayəsi: Vəsilə Abdulova kimdir? – Villalar, maşınlar, Türkiyə biznesi…

“Türkiyə təklənib, yeganə gücü ordusudur...” – “Yunanıstan Türkiyə ilə müharibə apara bilməz”

Sabiq deputat İlham Əliyevin xalası oğlu və həyat yoldaşı vəzifəyə necə təyin edilib?

AMEA-da qalmaqal – Professor Əbülhəsən Abbasovun açıqlamaları akademiyanı lərzəyə gətirdi

loading...

Ən çox oxunanalar