Bazar ertəsi, 23 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Almatıda xüsusi əməliyyat zamanı hava limanı azad edilib, ölənlər var – Video, Yenilənib

Qazaxıstanın Almatı şəhərində təşkil olunan antiterror xüsusi əməliyyatı zamanı daha əvvəl etirazçılar tərəfindən ələ keçirilən hava limanı azad edilib.

"Report" "Anadolu"ya istinadən xəbər verir ki, bu barədə şəhər administrasiyası rəhbərinin müavini Yerjan Babakumarov bildirib.

"Şəhərdə xüsusi antiterror əməliyyatı başlayıb. Hava limanı azad olunub. O, adi iş rejiminə keçir", - Babakumarov jurnalistlərə deyib.

"Zakon.kz" portalı əməliyyat zamanı 2 hərbi qulluqçunun həlak olduğunu bildirib. 

Xatırladaq ki, Almatıda şəhərdə asayişin bərqərar olması üçün xüsusi antiterror əməliyyatına başlayıb. Bu barədə “Kazinform” şəhər komendaturasının informasiya mərkəzinə istinadən məlumat yayıb.

Bildirilir ki, iğtişaşların radikal tərəfdarları şəhərə külli miqdarda ziyan vurub, hüquq-mühafizə orqanlarının asayişin bərpası və təhlükəsizliyin təmin edilməsi istiqamətində qanuni hərəkətlərinə müqavimət göstəriblər.

Almatı komendantı sakinləri sakit olmağa və konstitusiya quruluşunun yaradılmasında və ictimai təhlükəsizliyin yaradılmasında hüquq-mühafizə orqanlarına köməklik göstərməyə çağırıb.

***

Qazaxıstanda etirazlar səngimək bilmir.

Bir müddət öncə Almatıda antiterror əməliyyatı başlayıb. Görülən təbdirlər nəticəsində şəhərin hava limanı etrazçılardan təmizlənib.

Hazırda aeroportun adi iş rejimdə fəaliyyəti üçün lazımi tədbirlər görülür.

Paralel olaraq, Qazaxıstanın Dövlət Təhlükəsizlik Komitəsinin (DTK) rəisi Kərim Məsimov vəzifəsindən azad edilib.

Onun yerinə Dövlət Mühafizə Xidmətinin keçmiş rəhbəri Yermek Saqimbayev təyin olunub.

05.01.2022

Qazaxıstan Dəmir Yolları şirkəti ölkənin üç rayonunda fövqəladə vəziyyət elan olunmasına görə bir sıra qatar reyslərini təxirə salıb.

“Report” ölkə KİV-inə istinadən xəbər verir ki, Almatı ilə yanaşı, Makat və Lem vilayətlərində də dəmir yolu nəqliyyatının hərəkəti dayandırılıb.

Bildirilib ki, hazırda qatarlar müvəqqəti olaraq qovşaq stansiyalarında yerləşdirilib. Sərnişinlər yemək və su ilə təmin olunublar.

Məlumata görə, 46 yük qatarının da hərəkəti dayandırılıb.

Həmçinin Almatı hava limanının fəaliyyətinin dayandırılması barədə məlumat yayılıb. Amma aeroport rəhbərliyi bunu təkzib edib. Bildirlib ki, hava limanı əvvəlki qrafiklə işini davam etdirir.

Bundan başqa, Almatının İcra Hakimiyyətinin, şəhər prokurorluğunun binaları, habelə hakim "Nur Otan" Partiyasının Auezov rayon şöbəsinin qərargahı yandırılıb.

Təsdiqlənməmiş məlumata görə, aksiyanı dağıtmağa çalışan hərbçi isə güllə yarası alıb.

Bildirilib ki, Almatı şəhərindəki iğtişaşlar nəticəsində 33 xüsusi təyinatlı avtomobil dağıdılıb və yandırılıb. Məlumata görə, onlardan 16-sı polis, 7-si təcili tibbi yardım, 2-si yanğınsöndürən, 7-si yük maşını və 1-i yanacaqdaşıyan avtomobildir. Vurğulanıb ki, iğtişaş zamanı 300-ə yaxın müəssisə, o cümlədən 120 dükan, 100-dən artıq ofis və 80 ictimai iaşə obyekti dağıdılıb.

Etiraz aksiyaları davam edir.

Qeyd edək ki, Qazaxıstanda etiraz aksiyaları yanvarın 2-də Janaozen və Aktau şəhərlərində başlayıb. Şəhər sakinləri maye qazının ikiqat bahalaşmasına etiraz olaraq küçələrə çıxıblar.

Prezident Kasım-Jomart Tokayev vəziyyəti öyrənmək üçün komissiya yaradılmasına göstəriş verib və o, yanvarın 4-də etirazçıların əsas tələbini yerinə yetirməyə, qazın qiymətini aşağı salmağa hazır olduğunu bildirib.

Bununla belə dinc etirazlar digər şəhərlərə də yayılıb. Almatıda yanvarın 4-ü axşam saatlarında etirazçılarla qaz və səs qumbaralarından istifadə edən polis arasında toqquşma olub. Dövlət başçısı insanları ehtiyatlı olmağa, daxildən və xaricdən gələn təxribatlara uymamağa çağırıb. Prezident hakimiyyətin süquta uğramayacağını vurğulayıb.

Daha sonra dövlət başçısı Almatı və Mangistau vilayətlərində fövqəladə vəziyyət elan edib. Yanvarın 19-dək davam edəcək fövqəladə vəziyyət özündə saat 23:00-dan 07:00-dək komendant saatı, hərəkət azadlığının məhdudlaşdırılması və s. ehtiva edir.

Yanvarın 5-də Kasım-Jomart Tokayev hökuməti istefaya göndərib. Bundan əlavə, Manqistau vilayətinin Janaozen rayonundakı Qaz Emalı Zavodunun direktoru Narkbergen Tulepov saxlanılıb. O, qazın qiymətini əsassız olaraq bahalaşdırmaqda ittiham olunur.

Qazaxıstan Daxili İşlər Nazirliyi Mangistau vilayətindəki etiraz aksiyalarını yatırmaq üçün hərbi qüvvə yeridilmədiyini açıqlayıb.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

İlham Əliyevin Aİ Şurasının Prezidenti Şarl Mişellə təkbətək görüşü başa çatıb - Foto, Video, Yenilənib

Absurdun ötəsində: ARB Elza üçün 60 min manat toplayır, 4 medallı Şuşa qazisi isə komada yaşayır...

Brüsseldə Prezident İlham Əliyevin Şarl Mİşel və Nikol Paşinyan ilə görüşü başa çatıb- Yenilənib

Britaniya kral ailəsi ukraynalı qaçqınları evində yerləşdirib

"Chessable Masters": Şəhriyar Məmmədyarov son görüşlərini keçirəcək

Keşlədə Şəhidlər xiyabanı yaxınlığında gecə klubu açılması etirazlara səbəb oldu - Video

Rusiya “İskəndər”ləri Ukrayna sərhədləri yaxınlığında yerləşdirib

Bakıda qaraçılar Rusiya vətəndaşını bıçaqladı

Zelenski: “Rusiya bütün resurslarını bizi məhv etməyə yönəldib”

Litva Rusiyadan elektrik enerjisinin idxalından imtina edib

Ən çox oxunanalar