Ağdamdakı təlimdə partlayış baş verdi — Ermənilərin 5 hərbçisi öldü

Bu gün işğalçı Ermənistan ordusunun 10-cu dağ atıcı diviziyasının tərkibində yerləşən 41-ci artilleriya alayının 1-ci diviziyonunda 152 mm-lik D-20 topu partlayıb.

Təlim zamanı baş verən partlayış nəticəsində 3 əsgər, 2 zabit həlak olub. Bir yüksək rütbəli zabit və bir gizir ağır yaralanıb.

Partlayış Ağdam rayonunun işğal altında olan Uzundərə adlanan ərazisində baş verib və hadisədən sonra hərbi təlimlər dayandırılıb.

Qeyd edək ki, sözü gedən hərbi hissə keçmiş Ağdərə rayonunun Nerkin Oratax kəndi ərazisinə yerləşir. (Ölkə.Az)

pia.az