Cənubi Koreya və ABŞ Koreya yarımadasının nüvəsizləşdirilməsi prosesini sürətləndirmək üçün birgə hərbi təlimləri dayandırmaq qərarına gəlib
Bu barədə Cənubi Koreyanın "Renhap" agentliyinə istinadən TASS məlumat yayıb.
Bildirilir ki, ABŞ və Cənubi Koreya hərbçiləri "Key Resolve" və "Foal Eagle" komanda-qərargah təlimlərindən imtina ediblər.
"Renhap" Koreyanın Müdafiə Nazirliyinə istinadən xəbər verir ki, bu qərar ölkənin müdafiə naziri Çon Gyon Du ilə Birləşmiş Ştatların müdafiə naziri vəzifələrinin icraçısı Patrik Şanahan arasında telefon söhbəti zamanı qəbul olunub. Söhbət martın 2-də baş tutub.
Pentaqon "Key Resolve" və "Foal Eagle" birgə Amerika - Cənubi Koreya silsilə təlimlərinin dayandırıldığını təsdiq edib.(report.az)
pia.az