ABŞ senatoru Lindsi Qrem Səudiyyə Ərəbistanına, daha doğrusu, onun vəliəhd şahzadəsi Məhəmməd bin Salmana (MBS) qarşı olduqca sərt mövqe sərgiləyən siyasətçilərdən sayılır
Bəzi siyasi müşahidəçilərin ABŞ Senatının bu mövqeyinin Səudiyyə Ərəbistanı ilə münasibətlərə zərər vuracağı barədə verilən ehtimallara Lindsi Qrem hələ keçən həftə FOX News kanalında belə cavab vermişdi:
“Əgər biz olmasaydıq, Səudiyyə Ərəbistanı bir həftə içində farsça danışmağa başlamağa məcbur qalar. Bizim onlara ehtiyacımız olduğu qədər onların da bizə ehtiyacı var”.
L.Qremin bu sözlərinə isə İrandan sərt təpki gəlib. Iran xarici işlər naziri Cavad Zərif “bir müsəlman və bu coğrafiyada yaşayan insan olaraq senator Qremin açıqlamasından utanc hissi keçirdim”,- deyə cavab verib.
Cavad Zərif İranın “Mehr” agentliyinə verdiyi müsahibədə ABŞ və Qərb dünyasının əvvəlki güclərini itirdiyini iddia edib. Onun fikrincə super güc dövrü artıq geridə qalıb. “Bu isə bizim xeyrimizədir. Cənab Tramp bir yandan ABŞ-ın hərbi büdcəsinin bütün düyanın müdafiə xərclərindən çox olduğunu deyir, digər yandan isə başqa dövlətlərə İranla əməkdaşlıq etməməsi üçün nümayəndələr göndərərək hədələyir. Bu da ABŞ-ın gücünü zəiflədiyini nişanəsidir”-deyə iranlı nazir qeyd edib.
İrandakı daxli siyasi çəkişmələrə də toxunan Cavad Zərif xarici siyasətin fərqli siyasi görüşlərin ziddiyyətə düşdüyü sahə olmaması gərəkdiyini söyləyib.
“Düşmənlərimiz üçün İranda kimin prezident və ya nazir olmasının bir fərqi yoxdur. Onlar İran dövlətinin varlığını qəbul etmirlər”,-deyə Cavad Zərif söyləyib.(musavat.com)
pia.az
Digərxəbərlər
Populyar xəbərlər
