Bazar ertəsi, 30 Noyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

ABŞ Səfirliyinin terror xəbərdarlığındakı müəmma – Niyə “Abşeron J.W. Marriott”?

İlham İsmayıl: “Səfirliyin terrorla bağlı xəbərdarlığı ciddi informasiyaya əsaslanmasa yayılmazdı”.

ABŞ-ın Azərbaycandakı Səfirliyi terror xəbərdarlığı ilə bağlı bəyanat yayıb. Həmin bəyanatda deyilir:

Abşeron J.W. Marriott” kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib. Səfirliyin rəsmi saytına yer alan bəyanatda ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.
- Kütlənin çox olduğu yerlərdən yayının.
- Öz profilinizi büruzə verməyin.
- Ətrafınızdan xəbərdar olun.
- Əcnəbilərin sıx olduğu yerlərdə diqqətli olun.
- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Musavat.com bildirir ki, bir neçə gün əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq etmişdi.

Həmin xəbərdarlıqda deyilirdi:

-Dövlət Təhlükəsizliyi Xidmətinə daxil olmuş məlumatlara əsasən, Ermənistan xüsusi xidmət orqanları cəbhədə öz ordularının silsilə məğlubiyyətlərini ört-basdır etmək məqsədilə Azərbaycan Respublikasının böyük şəhərlərində insanların sıx cəmləşdiyi yerlərdə, ictimai nəqliyyatda terror-təxribat və digər pozuculuq aktlarını həyata keçirmək, bununla da keçən əsrin 80-ci illərin sonu və 90-cı illərdə Bakıda və ölkəmizin başqa yerlərində dinc əhaliyə qarşı törətdikləri mənfur və insanlığa sığmayan qanlı terror əməllərini təkrarlamaq niyyətindədirlər. Ermənistan dövlət səviyyəsində terroru dəstəkləyən və terror əməllərini həyata keçirən dövlətdir. Hazırda Ermənistan silahlı qüvvələrinin və xüsusi xidmət orqanlarının tərkibində Yaxın Şərq ölkələrindən gətirilmiş terrorçular xidmət edir. Vətəndaşları gündəlik həyat və iş ahəngini pozmadan və təşvişə qapılmadan ayıq-sayıq olmağa çağırır, yaşadıqları ərazilərdə şübhəli şəxslər, hərəkət və əşyalar barədə məlumatları (012) 405 99 99 nömrəli telefonla Dövlət Təhlükəsizliyi Xidmətinə, eləcə də yerli polis və digər hüquq mühafizə orqanlarına bildirmələri xahiş olunur. Eyni zamanda son dövrlərdə erməni terror təşkilatı olan ASALA-nın fəallaşdığını nəzərə alaraq, xarici ölkələrdəki Azərbaycan Respublikasının diplomatik nümayəndəlikləri və diplomatik heyəti, diaspora təmsilçilərini və ölkəmizə aid şirkətlər və onların əməkdaşlarını ayıq-sayıq olmağa və şübhəli hallar müşahidə edildikdə yerləşdikləri ölkələrin hüquq mühafizə orqanlarına müraciət etməyi tövsiyə edirik.

Görünən odur ki, DTX-nın və ABŞ səfirliyinin bir neçə gün fərqlə yaydığı xəbərdarlıqlar üst-üstə düşür. Lakin yeganə fərq ABŞ səfirliyinin bəyanatında konkret obyektin - “Abşeron J.W. Marriott” otelin adının qeyd edilməsidir.

Təhlükəsizlik məsələləri üzrə ekspert İlham İsmayıl musavat.com əməkdaşına bildirib ki, hələ 26 sentyabrda, yəni müharibə başlamazdan əvvəl ABŞ səfirliyi Bakını tərk etməmək haqqında öz vətəndaşlarını xəbərdar etmişdi və bu, təbii ki, müəyyən informasiyalara əsaslanırdı. “Göründüyü kimi elə səhərisi gün - 27 sentyabrda bütün cəbhə boyu müharibə başladı. İndi də səfirliyin terrorla bağlı xəbərdarlığı ciddi informasiyaya əsaslanmasa yayılmazdı. Ümumiyyətlə, zaman-zaman ABŞ və Qərbi Avropa ölkələrinin istər bizim ölkə, istərsə də başqa ölkələrlə bağlı təhlükəsizlik xəbərdarlıqları konkret informasiyalara əsaslanır. Diqqətinizə çatdırım ki, hələ bir neçə gün əvvəl DTX-nın da terror təhlükəsi ilə bağlı vətəndaşlara müraciəti, xəbərdarlığı müəyyən informasiyalar olmasa əhaliyə çatdırılmazdı” – deyə ekspert bildirib.
Deyib ki, ABŞ səfirliyinin konkret olaraq “Mariott Abşeron”otelini hədəf kimi göstərməsindən bir sıra məntiqi nəticələr çıxarmaq mümkündür:

1. Çəkindirici gedişdir. Hədəfin məhz bu otel olduğu barədə dəqiq informasiya var və terroru hazırlayanlar bir növ xəbərdar olunur ki, konkret informasiyaya malikik və səlahiyyətli orqanlar əks tədbirlər planına hazırdırlar.

2. Bir otelin simasında bu tip ictimai yerlərdən uzaq durmaq haqqında yalnız öz vətəndaşlarını deyil, hər kəsi xəbərdar edirlər, o cümlədən təhlükəsizlik orqanlarını.

Hesab edirəm ki, birinci variant daha ağılabatandır və konkret informasiyaya söykənir. Belə məlumatların dəqiq olmasının bir neçə mənbədən yoxlanılmasında problemlər olduqda, hətta ehtimalı aşağı olsa belə açıq xəbərdarlıqlar edilməsi məqsədəuyğun hesab edilir.
Bu ehtiyat tədbirlərinin görülməsi həm də erməni terrorçularının keçmiş fəaliyyətinə əsaslanır.

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Azərbaycan hakimiyyəti bizə barışıq əlini uzatmasa...” - Paşinyan

Ermənilər Rusiya sülhməramlılarını öldürməyi təklif edirlər - Fotofakt

“Müharibənin bitdiyinə ümid edən hər kəs Laçında nələrin baş verdiyini izləsin” - Sabiq erməni səfir

Əsgərlərimiz Ermənistan bayrağını erməninin özünə endirtdirdilər - Video

Paşinyan: 7 rayonun Azərbaycana təhvil verilməsinin alternativi yox idi

“YAP hakimiyyəti 27 ildir demirdimi ki...” - Natiq Cəfərli

Müdafiə Nazirliyindən sülhməramlılarla bağlı açıqlama - Video

“Böyük bir müharibə başlaya bilər...” - Senatordan dünyanı ayağa qaldıran qalmaqallı paylaşım

Bayraqla rəqsinə görə qovulan tələbə universitetə bərpa olunub - Foto

loading...

Ən çox oxunanalar

  • Bu gün
  • Bu həftə
  • Bu ay