ABŞ Rusiyaya endiriləcək savaş zərbəsinin müəyyən detallarını açıqlayıb.
Musavat.com xarici agentliklərə istinadən xəbər verir ki, “C4ISRNET” saytı ABŞ ordusunun peyklərdən və süni intellekti işə sala biləcək “Project Convergence” alqoritmini hazırlaması ilə bağlı məlumat yayıb.
Həmin xəbərdə bəhs olunan alqoritmin köməyi ilə Birləşmiş Ştatların Rusiya və Çinin mühüm obyektlərinə dəqiq zərbələr endirə biləcəyi qeyd olunub.
Saytın informasiyasına görə, aşağı orbital peyklər döyüş meydanını yüksək səviyyədə çəkməyə imkan verəcək. Həmin məlumatlar daha sonra “Tactical Intelligence Targeting Access Node (TITAN)” adlanan yerüstü stansiyaya göndərilir. Burada alınan informasiya “Prometheus” adlanan süni intellekt sistemində emal edilir və düşmən obyektlərinin olduğu nöqtələr dəqiqləşdirilir. Bunun ardınca koordinatlar “Tactical Assault Kit” sistemi ilə fəaliyyət göstərən komanda məntəqəsinə göndərilir.
Burada “FIRES Synchronization to Optimize Responses in Multi-Domain Operations (FIRESTORM)” adlanan süni intellekt sistemi idarəetməyə düşmənin obyektlərinin məhv olunması üçün konkret olaraq hansı silahlardan istifadə oluna biləcəyini bildirir. Operator bu tövsiyəni nəzərə alaraq, müvafiq əmri ya meydandakı əsgərə, ya da idarə olunan atəş qurğusuna göndərir.
pia.az