ABŞ Krımın Ukraynaya qaytarılmasına kömək edəcək

RİA Novosti xəbər verir ki, bu barədə Ukrayna Prezidenti Vladimir Zelenski məlumat verib. O bildirib ki, Tramp bununla bağlı vəd verib.

"Mənə elə gəlir və bunu eşitdim ki, o, Krımın doğma diyarımız olması ilə razıdır və biz onu geri qaytaracağıq. O dedi ki, siz bununla bağlı çalışmalısınız və biz sizə kömək edəcəyik".

Ukrayna Prezidenti görüşdə Trampa Krımın gözəlliyindən danışdığını bildirib və onu Kiyevə dəvət edib.

Qeyd edək ki, dövlət başçıları BMT Baş Assambleyasının iclası çərçivəsində görüşüblər. Tramp Zelenski ilə görüşü "fantastik" adlandırsa da, detalları açıqlamayıb.

pia.az