İki ölkə arasında yeni gərginlik başlayır...
ABŞ-ın hərbi gəmiləri Rusiya istiqamətinə yön alır - İki ölkə arasında yeni gərginlik başlayır
Dünyanın koronavirus pandemiyası ilə mübarizə apardığı bir zamanda ABŞ Rusiya ilə münasibətləri gərginləşirən növbəti addım atıb.
Reyting.az xarici mediaya istinadla bildirir ki, ABŞ “Soyuq müharibə” illərindən bu yana ilk dəfə Barens dənizinə 4 ədəd hərbi döyüş gəmisi göndərir. Bu gəmilər “dəniz təhlükəsizliyi əməliyyatlarını” həyata keçirəcək.
Barens dənizinə gəmilərin göndəriləcəyini ABŞ Dəniz Donanması həftənin birinci günü elan edib. İngiltərə “HMS Kent” dəstək gəmisinin də ABŞ donanmasına qatılacağını açıqlayıb. Qeyd edək ki, ABŞ Dəniz Donanması 1980-ci ildən bu yana Barens dənizində fəaliyyət göstərməyib.
ABŞ Donanması Barens dənizində həyata keçirəcəyi xidməti haqqında Rusiya Müdafiə Nazirliyinə “səhv anlamaqdan qaçmaq, riski azaltmaq və gərginliyi artırmamaq” məqsədilə xəbərdarlıq edib.
Rusiyanın Şimal donanmasının baş verənləri müşahidə etdiyi bildirilir.
Xatırladaq ki, Barens dənizi Rusiya üçün xüsusi əhəmiyyətə malikdir və amerikanların bu dənizdə “fırlanması” Kremli tərəfindən həzm edilməyəcək.
Barens dənizində Rusiyanın böyük hidrokarbon rezervləri, Şimal dənizinə daşınma marşrutu var, habelə bu ölkə üçün geopolitik və təhlükəsizlik baxımından həyatı əhəmiyyətə malikdir. Bura, eyni zamanda Şimal buzlu okenanın Rusiya, Finlandiya və Norveçin şimalına düşən hissədir.
pia.az