Bu gün Milli Məclisin Təhlükəsizlik və müdafiə komitəsi sədrinin müavini, Yeni Azərbaycan Partiyasının (YAP) İcra Katibliyinin siyasi təhlil və proqnozlaşdırma şöbəsinin müdiri, siyasi elmlər namizədi Aydın Mirzəzadənin doğum günüdür - 58 yaşı tamam olur
PİA.AZ xəbər verir ki, Aydın Mirzəzadə ad günü ilə bağlı fikirlərini Modern.az-la bölüşüb. O bildirib ki, ad gününü ailəsi ilə birlikdə keçirəcək.
“Ad günümü ailəmlə qeyd edəcəyəm. Amma harada keçirəcəyim haqqında dəqiq qərar verməmişəm”.
YAP-ın ən fəal deputatlarından olan Aydın Mirzəzadə son vaxtlar Milli Məclisin iclaslarında aktiv olmamasının səbəbini isə belə izah edib: “Deməzdim ki, fəallığım azalıb, xeyr, belə deyil. Günün müəyyən hissəsində parlamentdə oluram, qalan zamanımı partiyanın mərkəzi aparatında keçirirəm. Bütün işlərimə son dərəcə məsuliyyətlə yanaşıram, çalışıram ki, səlahiyyətimin mənə imkan verdiyi çərçivədə bir sıra məsələlərin həllinə nail olum.
Parlament üzvü kimi seçicilərimin maraqlarını qorumağa, bu və ya digər məsələyə diqqət yetirməyə, qaldırılan məsələlər haqqında müvafiq hökumət orqanları ilə əlaqə saxlayıb həllinə çalışıram. Əlbəttə, deputat həmkarlarımın aktivliyi məni çox sevindirir, mənim üçün də maraqlı olan məsələləri müzakirəyə çıxarırlar”.
pia.az