16 fevral 2018-ci il il tarixdə Hindistan Respublikasının Azərbaycan Respublikasındakı səfiri cənab Sancay Rana Biləsuvar rayonuna səfər edib
Biləsuvar rayon İcra Hakimiyyətində səfirlə keçirilən görüşdə İcra Hakimiyyətinin Başçısı cənab Mahir Quliyev rayonda istər sosial-iqtisadi, istərsə də kənd təsərrüfatının sahəsində görülən işlərdən danışaraq, son illər ayrı-ayrı sahələrdə əldə olunmuş uğurlar barədə məlumat verdi.
Bildirdi ki, rayonumuzda əsasən kənd təsərrüfatının pambıqçılıq, taxılçılıq, tərəvəzçilik sahələri və heyvandarlıq sürətlə inkişaf edir. 2015-ci ildə 3095 hektar sahədən 6362 ton, 2016-cı ildə 6040 hektar sahədən 12062 ton pambıq toplansa da, 2017-ci ildə 11351.8 hektar sahədə pambıq əkini aparılmış və 24762.0 ton məhsul toplanmışdır. Məhsulun becərilməsi və toplanması dövründə 20 minə yaxın insanın məşğulluğu təmin olunmuşdur ki, bunun da nəticəsində əhali 15 milyon manata yaxın gəlir əldə etmişdir.Bu ildə əhali artıq 8 min hektardan artıq pambıq əkininin müqaviləsini bağlamışdır.Rayonda səmərəsiz istifadə olunan Dövlət Fonduna aid 17 min hektar qış otlaq sahəsinin təyinatı dəyişdirilərək ərazidə 2 Aqropark yaradılıb.
“Yaşıl ada” və “Aqroinvestment GreenFirm” adlanan Aqroparklarda müasir standartlara uyğun şərait qurularaq, minlərlə insan üçün iş yerləri yaradılmışdır.Aqroparklarda aparılan işlər davam etdirilir.
M.Quliyev səfirə rayonda fəaliyyət göstərən “Azərpambıq” MMC Biləsuvar rayon filialında və “Azərsun Holdinqin” Biləsuvar “Natural Green Land” konserv zavodu haqqında məlumat verib.
Səfiri Sanjay Rana görüş zamanı rayonda görülən işlərdən məmnunluğunu bildirdi və ona göstərilən qonaqpərvərliyə görə minnətdarlıq etdi.
Sonra səfir “Azərpambıq” MMC Biləsuvar rayon filialında və “Azərsun Holdinqin” Biləsuvar “Natural Green Land” konserv zavodunda olacağını və buradakı iş şəraiti ilə tanış olacağını qeyd edib.
Görüşün sonunda Səfirə adət ənənələrimizi əks etdirən xatirə hədiyyələri təqdim olunub.
pia.az
Digərxəbərlər
Populyar xəbərlər
