Türkiyə Əsədi ən sona saxlayır – Şərh

Türkiyənin ön planında Suriyada terror və kürd dəstələrinə qarşı mübarizəni davam etdirmək və vəziyyəti stabilləşdirmək, ən sonda isə Əsədi hakimiyyətdən uzalaşdırmaq durur

Bunu Axar.az-a açıqlamasında politoloq, keçmiş diplomat Fikrət Sadıqov deyib.

Rusiya-Türkiyə münasibətlərnin hazırda kifayət qədər yaxşı olduğunu vurğulayan politoloq bildirib ki, strateji tərəfdaşlar arasında taktiki ziddiyyətli məqamlar var:

“Əsədin hakimiyyətdən uzaqlaşdırılması, hələ ki, Türkiyənin ön məqsədi deyil. Ərdoğan və Putin arasında bir neçə telefon danışığı olub və Suriya ilə bağlı bir sıra məsələlərə aydınlıq gətirilib. Ziddiyyətli məqamlar ola bilər, ancaq strateji baxımdan tərəflər arasında anlaşma var. Tərəflərin Suriya ilə bağlı siyasi addımları yaxın gələcəkdə də bu formatda davam edəcək. Türkiyənin ön planında Suriyada terror və kürd dəstələrinə qarşı mübarizəni davam etdirmək və vəziyyəti stabilləşdirmək, ən sonda isə Əsədi hakimiyyətdən uzalaşdırmaq durur. Ərdoğanın sözügedən açıqlaması ona dəlalət edir ki, Ankara Əsədlə bağlı mövqeyindən dönməyib, sadəcə, ardıcıllığı qoruyur”.

Qeyd edək ki, Qüds konfransında çıxışı zamanı Türkiyə prezidenti Ankaranın Suriyaya Əsədin hökmranlığına son qoymaq üçün girdiyini bildirib. Rusiya isə dərhal məsələyə reaksiya verib. Sonradan Ərdoğan fikrinin yanlış anlaşıldığını bildirib.

pia.az