Mayın 3-də Azərbaycanın işğal atındakı Xankəndi şəhərində Qarabağ separatçılarının başçısı Bako Saakyanla Ermənistanın birinci prezidenti Levon Ter-Petrosyan arasında görüş olub
Musavat.com Ermənistan KİV-inə istinadən xəbər verir ki, görüşdə genişmiqyaslı hərbi əməliyyatlara aid məsələlər bir sıra məsələlər, xüsusilə də 2-5 aprel tarixlərində Qarabağda gedən döyüşlər müzakirə mövzusu olub.
Bu ağır situasiyada, xüsusilə də Ermənistanda və Qarabağ erməniləri arasında vahiməli əhval-ruhiyyənin hökm sürdüyü bu günlərdə Ter-Petrosyanın Xankəndinə uzun illərdən sonra nə üçün gəlməsi barədə dürüst açıqlama verilməyib və erməni mənbələri ümumi sözlərlə kifayətlənib.
Məlumata görə, Bako Saakyan indiki dönəmdə birliyin zəruriliyindən danışıb, erməni xalqının üzləşdiyi problemlərin həlli üçün siyasi qüvvələrin səfərbər olunmasını vacib sayıb.
Aprel toqquşmalarından sonra Ter-Petrosyan mövqeləri zəifləyən Ermənistan prezidenti Serj Sərkisyanı ayağına, evinə çağırmışdı və mövcud vəziyyətlə bağlı onunla müzakirələr aparmışdı. Elə həmin görüşdən sonra keçmiş prezident Xankəndinə gedərək “DQR” rəhbərliyi ilə də durumu dəyərləndirəcəyinin anonsunu vermişdi.
Müşahidələr bunu deməyə əsas verir ki, Levon Ter-Petrosyan mövcud reallıqları Saakyana başa salmağa gəlib. Hələ prezidentliyi dövründə o, Dağlıq Qarabağa ən yüksək muxtar statusun verilməsinin qarşılığında Ermənistan silahlı qüvvələrinin işğal altındakı ərazilərdən çıxması variantını dəstəkləyirdi. Qeyd edək ki, 1998-ci ildə Ter-Petrosyan gələcəkdə Azərbaycanın güclənəcəyini və indiki şərtləri qəbul etmək üçün ermənilərin yalvarmalı olacağını demişdi.
pia.az
Digərxəbərlər
Populyar xəbərlər
