“Allaha şükür, peşə satqınlığımız yoxdur”
Vəkil Elçin Sadıqov facebook statusunda barəsində səslənən ittihamlara dolayısı ilə cavab verib. Ad çəkməsə də, iki həmkarını ona qarşı qarayaxma kampaniyasında iştirakda ittiham edən E.Sadıqov statusunda belə yazıb:
“Bu aralar FB-də barəmdə qarayaxma kampaniyasında xüsusilə iki vəkilin fərqləndiyini gördüm. Ölkədə deyildim, internetə çatım imkanım da az idi. Necə deyərlər, "dərə yiyəsiz, tülkü bəy". Bu vəkillərdən biri Əvəz Zeynallının vəkillərindən biri olub (görüntü vəkil). İndi o vəkildən soruşsan heç Əvəz Zeynallıya qarşı irəli sürülən ittihamının mahiyyətini də bilmir, Əvəz Zeynallının neçə məhkəmə işinin olduğundan, onların nə vaxt tükəndirildiyindən belə xəbəri yoxdur. Ona görə ki, bu vəkil 10 iclasdan 1-inə ancaq gəlirdi. Daha sonra heç gəlmədi. Belə vəkillə kim yola çıxar?”
E.Sadıqov həmçinin digər vəkil haqda da ilginc fikirlər söyləyib: “Digəri isə öz müştərisini deyil, xüsusi xidmət orqanını müdafiə etməsinə görə ondan imtina edilmişdi. Belə vəkillərin hansısa vəkili siyasi baxışına görə xüsusi canfəşanlıqla qarayaxma kampaniyası aparmalarına gülməyim tutdu sadəcə... Allaha şükürlər olsun ki, bizim peşə satqınçılığımız və görüntü vəkil obrazımız yoxdur”.
Bu statusa ilk şərh yazan isə “Xural” qəzetinin həbsdəki baş redaktoru Əvəz Zeynallının həyat yoldaşı Məlahət Zeynallı olub. Məlahət xanım aşağıdakıları yazıb: “Bizə sanballı müdafiə lazımdır, Elçin bəy, belə söz-söhbətlər yox”.(musavat)
Digərxəbərlər
Populyar xəbərlər
