Türkiyədə Azərbaycanın 28 may Respublika Günü qeyd olunub
Axar.az xəbər verir ki, mərasimə Türkiyə Prezidentinin müşaviri Yalçın Topçu, Baş nazirin müşaviri Toğrul Türkeş, İqtisadiyyat naziri Nihat Zeybəkçi, Nəqliyyat, Dənizçilik və Rabitə naziri Əhməd Aslan qatılıb.
Mərasimdə çıxış edən Türkeş hər zaman Azərbaycanın yanında olacaqlarını bildirib:
“Azərbaycanın qəlbimizdə ayrı yeri var. Türkiyə Dağlıq Qarabağ münaqişəsi ilə bağlı Azərbaycan xalqına istənilən dəstəyi verməyə hazırdır. Azərbaycanın ərazi bütövlüyünün bərpası istiqamətində məsuliyyətimizi bilirik və lazım olanı da etməyə hazırıq. Türk xalqı yaxşı gündə olduğu kimi, pis gündə də Azərbaycan xalqının yanında olub və bundan sonra da olmağa davam edəcək”.
Türkiyə Prezidentinin müşaviri Yalçın Topçu isə dünyaya səslənib:
“Ermənistanın Dağlıq Qarabağda işğalı sona çatmalıdır. Bütün dünyaya elan edirik ki, Azərbaycanın əlinə batan tikan Türkiyənin ürəyinə batmış olar”.
pia.az
Digərxəbərlər
Populyar xəbərlər
