“Bir toy mərasimində fərqli siyasi cinahlarda olan isanların bir masa arxasında oturmasına vəhşicəsinə münasibət bəslənməsi və bunun da "Azadlıq" qəzetində tirajlanması bu vəziyyəti yaratdı”
Fazil Mustafa: “AXCP və Müsavat partiyaları arasında savaş fəaliyyət imitasiyasıdır”
Müsavat Partiyasının qurultayından sonra AXCP və Müsavat arasında gərginlik pik həddinə çatıb. Artıq hər iki partiyaya yaxın mətbu orqanlar qarşılıqlı ittihamlarla, daha doğrusu təhqirlərlə dolu yazılar dərc ediblər.
AXCP sıralarında başlayan istefalar, gedənlərin Əli Kərimlini və partiya rəhbərlərini ifşa edən açıqlamaları vəziyyəti bir az ağırlaşdırıb. illərdir zorən “müttəfiqliyə” sürüklənsələr də, bir-birlərinə patoloji nifrət bəsləyən AXCP ilə Müsavat Partiyası arasındakı gərginlik cəmiyyətdə birmənalı qarşılanmır.
PİA.AZ-ın əməkdaşı bir zamanlar bu düşərgədə təmsil olunan mİllət vəkili Fazil Mustafa ilə əlaqə saxlayaraq qarşıdurma ilə bağlı onun fikirlərini öyrənib. Fazil Musatafaya görə baş verənlər bu partiyaların fəaliyyətsizliklərini ört-basdır etmək cəhdindən başqa bir şey deyil:
“Əsas fundamental məsələləri çözmək imkanı tükənəndə, daxili savaşın alovlanması təbii qarşılanmalıdır. Bunu əslində həm də fəaliyyət imitasiyası kimi də qiymətləndirmək olar. Bildiyim qədər bu məsələdə AXCP-nin yanaşması nəinki "Müsavatçı"ları, bütün cəmiyyəti şoka saldığına görə belə bir söz atışmaları gücləndi. Bir toy mərasimində fərqli siyasi cinahlarda olan isanların bir masa arxasında oturmasına vəhşicəsinə münasibət bəslənməsi və bunun da "Azadlıq" qəzetində tirajlanması bu vəziyyəti yaratdı”.
Ülviyyə Bəylər
pia.az