İcra başçısının müavini Nəsir Muxtarlı da Fətullah Gülənin tərəfdarı çıxdı Son dövrlər ölkədə nurçu qalmaqalı artıq həbslər və istefalarla müşahidə olunur.
Prezident Admnistrasiyasının siyasi təhlil və informasiya təminatı şöbəsinin keçmiş müdiri Elnur Aslanovun işdən çıxarılmasından sonra rəsmi qurumlar nurçu şəbəkəsini araşdırmağa başlayıb.
Bu yaxınlarda Daxili İşlər Nazirliyinin ard-arda iki əməliyyat keçirməsi və bir xeyli «gülənçi»ni saxlaması həmin prosesin tərkib hissəsi sayılır. Amma… Son məlumatlara görə, rayonlarda axtarışlar aparan rəsmi qurumlar Masallı rayon İcra Hakimiyyətinə qədər gəlib çıxıblar. Məlum olub ki, rayonun icra başçısının müavini Nəsir Muxtarlı da nurçularla sıx əlaqəli olan şəxsdir. Məlumatda deyilir ki, Türkiyədə təhsil almış Muxtarlı Elnur Aslanov qalmaqalına qədər Masallıda nurçuluğu təbliğ edənlərin əsas himayəçisi olub. Son olaylardan sonra isə fəaliyyətinə bir qədər fasilə verib.
Mənbənin bildirdiyinə görə, icra başçısı Rafil Hüseynovun müavini, həm də əksər işlərini görən Nəsir Muxtarlı nurçuların təsir dairəsinə hələ Türkiyədə təhsil alarkən düşüb. Azərbaycana geri döndükdən sonra isə Fətullah Gülən tərəfdarları ilə təmas quraraq, sonradan karyerasını böyütməyə nail olub. Bunun qarşılığı olaraq, o, Masallıda nurçuluğu təbliğ edən ədəbiyyatların paylanılması, dərshanənin yaradılması və digər bu kimi işlərlə məşğul olmağa başlayıb. Qarşı tərəfin də mövqeyini dərc etməyə hazırıq.
(xalq.az)
Digərxəbərlər
Populyar xəbərlər
