Elxan Şahinoğlu: “Ermənistanı sülhə məcbur etməyin tək yolu güc yoludur”
“Rusiyanin Ermənistana təsir etmək fikri olmadığına görə tərəfləri danışıqlar masasına oturtmur”.
Bu sözləri politoloq Elxan Şahinoğlu Dağlıq Qarabağda yeni müharibə ehtimallarını dəyərləndirərkən bildirib.
Qeyd edək ki, son günlər münaqişəyə cəlb olunan tərəflərdən, eyni zamanda münaqişənin həllində vasitəçi olan ATƏT-in Minsk Qrupunun həmsədr ölkələrindən biri olan Rusiyadan tez-tez müharibə anonsları eşidilir.
PİA.AZ-ın əməkdaşı bu mövzunu “Atlas” Araşdırmalar Mərkəzinin rəhbəri Elxan Şahinoğlu ilə müzakirə edib.
Elxan Şahinoğlu: “Əsas məsələ Ermənistanın hansısa şərt irəli sürmədən Dağlıq Qarabağdakı əraziləri boşaltmasıdır”.
Politoloq Elxan Şahinoğlunun fikrincə, Azərbaycanla Ermənistan arasındakı müharibə təhlükəsini görmək üçün mütəxəssis olmağa ehtiyac yoxdur:
“Azərbaycanla Ermənistan arasındakı müharibə təhlükəsini görmək üçün mütəxəssis olmağa ehtiyac yoxdur. Çünki real olaraq görünür ki, heç kim Dağlıq Qarabağ ərazisindəki rayonların boşaldılması üçün Ermənistana təsir etmək istəmir. Belə olan halda atəşkəsin yenidən pozulması və genişmiqyaslı hərbi toqquşmaların baş verməsi halı artır. Rusiyanin Ermənistana təsir etmək fikri olmadığına görə tərəfləri danışıqlar masasına oturtmur.
Əgər Rusiyanın belə fikir olsaydı, danışıqlar çoxdan başlamışdı. Çünki əsas məsələ Ermənistanın hansısa şərt irəli sürmədən Dağlıq Qarabağdakı əraziləri boşaltmasıdır. Ermənistana buna məcbur etməyin tək yolu güc yoludur. Dağlıq Qarabağda böyük müharibənin başlaması Qərb və Rusiyanın Cənubi Qafqazda üz-üzə gəlməsi ilə əlaqəli ola bilməz. Sadəcə müharibə başlasa, burada böyük dövlətlərin maraqları da kəsişəcək. Əgər Rusiya Ermənistanı hərbi nöqteyi-nəzərdən dəstəkləsə, Türkiyə, Pakistan, Ərəb ölkələri də Azərbaycanı dəstələyəcək. Nəticədə müharibənin genişmiqyaslı olmasına şərait yarnacaq.
Azərbaycan seçim etməlidir. Çünki bütün hallarda Rusiya Ermənistana dəstək verir və verəcək. Belə olan halda Azərbaycan Qərbin hərbi təhlükəsizliyində yer almalıdır. Düşünürəm ki, ilk addım kimi Türkiyə ilə hərbi əməkdaşlığı genişləndirmək və məsələ daha da aktuallaşarsa, Türkiyə hərbi bazalarını Azərbaycanda yerləşdirmək lazımdır”.
Gülşən ŞƏRİF
pia.az
Digərxəbərlər
Populyar xəbərlər
