Bu gün “Facebook”un yaradıcısı və rəhbəri Mark Zukerberq Avropa Parlamentinin üzvləri ilə görüş keçirəcək
Lent.az-ın xəbərinə görə, M. Zukerberq qarşı tərəfin təklifini qəbul edərək görüşün canlı yayımlanmasına razılıq verib. Bu barədə Avropa Parlamentinin sədri Antonio Tayani “Twitter”də yazıb. “Bu, Avropa İttifaqı vətəndaşları üçün yaxşı xəbərdir. Mən Avropa Parlamentinə göstərdiyi hörmətə görə Zukerberqə minnətdaram”, – deyə Tayani bildirib.
Qeyd edək ki, daha əvvəl M. Zukerberqin AP siyasi qruplarının liderləri və ayrı-ayrı parlamentarlarla qapalı görüş keçirməsi nəzərdə tutulmuşdu.
Görüş bu gün axşam saatlarında baş tutacaq. Mövzu “Cambridge Analytica” ilə bağlı yaranmış qalmaqal və istifadəçi məlumatlarının gizliliyinin qorunmasıdır.
pia.az