Noyabrın 21-də Zimbabve parlamentində prezident Robert Muqabenin impiçment proseduruna başlanılacaq
Bu barədə “Sky News” telekanalına hakim Afrika Milli İttifaqı - Vətənpərvər Cəbhə Partiyasının nümayəndəsi Pol Manqvana bildirib.
Onun sözlərinə görə, impiçment proseduru iki gün çəkəcək. “Noyabrın 21-də parlamentdə impiçment üzrə komitə, ertəsi gün isə səsvermə baş tutacaq”, deyə P.Manqvana qeyd edib.
Noyabrın 19-da, Zimbabvenin hakim partiyası xüsusi iclas keçirərək ölkənin 93 yaşlı prezidentini sədr postundan kənarlaşdıraraq noyabrın 20-dək istefa verməyə çağırıb. Bundan sonra televiziya vasitəsi ilə xalqa müraciət edən R.Muqabe yaxın həftələr ərzində istefaya getməyəcəyini bəyan edib. (apa)
pia.az
Digərxəbərlər
Populyar xəbərlər
