Rusiyanın Tuva Muxtar Respublikasının paytaxtı Kızıl şəhərində MDB-yə üzv ölkələrin Müdafiə Nazirləri Şurasının iclasında iştirak edənlər üçün konsert proqramı təşkil olunub
Konsertdə Tuva milli balet ansamblının artistləri və musiqiçiləri “Sayana” rəqsini ifa ediblər.
Həmçinin “Oktay” uşaq folklor ansamblı və “KHOOMEI BEAT” musiqi qrupu çıxış ediblər.
Azərbaycanın müdafiə naziri Zakir Həsənov da konsert proqramını izləyənlər arasında olub.
Qeyd edək ki, bu gün MDB-yə üzv ölkələrin Müdafiə Nazirləri Şurasının iclası keçirilir.
İclasda təhlükəsizlik və müdafiə sahəsində çoxtərəfli əməkdaşlığın kompleks məsələləri müzakirə olunacaq. Həmçinin, nazirlər 2020-ci ilədək hərbi əməkdaşlıq konsepsiyasının icra olunması istiqamətində atılan addımları təhlil edəcəklər. (virtualaz.org)
pia.az