“Dövlət Yol Polisinin əməkdaşları Turqay Aslanov adlı sürücü ilə bağlı heç bir protokol tərtib etməyiblər. Dövlət Yol Polisi İdarəsinin adından bununla bağlı bəzi kütləvi informasiya vasitələrində yayılan məlumatların heç biri düzgün deyil. Həmin məlumatlar açıq-aşkar təxribat xarakteri daşıyır və dezinformasiyadır”
PİA.AZ bildirir ki, bunu virtualaz.org saytına açıqlamasında Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik-leytenant Vaqif Əsədov deyib.
“Bakı Şəhər Dövlət Yol Polisi İdarəsinin əməkdaşları Turqay Aslanova məxsus heç bir avtomobili saxlamayıblar” - deyə V.Əsədov əlavə edib.
* * *17:47
“Polis əməkdaşları tərəfindən Nəsimi rayonu ərazisində saxlanılan “Bentley” markalı avtomobil mənim oğluma məxsus deyil”.
Bunu Şəmkir rayonunun sabiq icra başçısı Aslan Aslanov deyib.
A.Aslanov qeyd edib ki, həmin avtomobilin onun oğlu Turqaya heç bir aidiyyəti yoxdur: “Bəzi mətbuat orqanları mənim haqqımda məqsədyönlü şəkildə yalan informasiyalar yayırlar. Mən rəsmi arayış almışam. Həmin “Bentley” avtomobili Valeh Ramazan Allahverdiyev adlı bir şəxsə məxsusdur”.
Qeyd edək ki, bu gün bəzi KİV-lərdə A.Aslanovun oğlunun sərxoş halda yol polisi tərəfindən saxlanması barədə məlumatlar yayılıb. Xəbərdə bildirilib ki, A.Aslanovun oğlunun “Bentley” markalı, 10 DO 007 nömrəli maşını cərimə meydançasına aparılıb.
pia.az
Digərxəbərlər
Populyar xəbərlər
