Cümə, 26 Aprel 2019
USD : 1.7
EUR : 1.996
Hava
+6 ° Baku
-0 ° Quba
-0 ° Qusar
+4 ° Gəncə
+5 ° Lənkəran
+3 ° Naxçıvan
+6 ° Salyan
+3 ° Şəki

Yeni sanksiyalar Rusiyanın aqressiyasının cilovlanması üçün yetərli olacaq?


Politoloq: “ABŞ-ın sanksiyaları getdikcə sərtləşdirməsi Rusiyanın iqtisadi cəhətdən bilavasitə çöküşünə hesablanıb”


“ABŞ sanksiyaları təsadüf olaraq ortaya qoymayıb. Ard-arda gələn sanksiyalar Rusiyanın Suriya və Yaxın Şərqdəki iddialarından vaz keçməsi üçündür”.

Bu sözləri politoloq Natiq Miri bu gün ABŞ-ın Rusiyaya tətbiq edəcəyi sanksiyanı n təsirlərini şərh edərkən PİA.AZ-a açıqlamasında qeyd edib.

Son günlər Suriya məsələsi konstektində dünya gücləri, xüsusən də Rusiya-ABŞ münasibətlərində gərginlik yüksək həddə atıb. Belə ki, aprelin 14-də Böyük Britaniya, ABŞ və Fransanın Suriyaya 100-dən artıq raket zərbəsi endirməsi Bəşər Əsəd rejimini dəstəkləyən Kremlin qınağına tuş gəlib. Bununla yanaşı, Suriya prezidenti Bəşər Əsəd ölkənin mərkəzindəki hava bazasına ABŞ-ın raket zərbələrini “səfeh və məsuliyyətsiz” addım kimi dəyərləndirib. Vladimir Putinin mətbuat katibi Dmitri Peskov isə ABŞ-ın hava zərbələrini “suveren dövlətə qarşı təcavüz” kimi təsvir edib.

Onu da qeyd edək ki, Tramp aprelin 13-də gecə ölkəyə müraciətində  bu zərbələrlə “heyvan”, “kriminal” və “qatil diktator” kimi sözləri ilə ifadə etdiyi Suriya prezidenti Bəşər Əsədin aprelin 7-də Duma şəhərinə iddia edilən kimyəvi silah hücumuna görə “böyük bədəl” ödəməsinə görə əmr verdiyini bəyan etmişdi. Bu bəyanata qarşılıq olaraq Rusiya xəbərdarlıq etmişdi ki, hava zərbələri “nəticəsiz ötüşməyəcək”, Suriya və İran isə bu hücumu “beynəlxalq qanunun kobud şəkildə pozulması” olacaq. Lakin nə raket hücumu gözlənildiyi kimi dağıdıcı olmadı, nə də Rusiya verdiyi sözə əməl edib ABŞ raketlərini və təyyarələrini, o cümlədən hərbi gəmilərini vurmadı.

Son nəticə olaraq ABŞ-ın BMT yanında daimi nümayəndəsi Nikki Xeyli CBS kanalına müsahibəsində bu gün Rusiyaya qarşı yeni sanksiyaların tətbiq olunacağını elan edib. Onun sözlərinə görə, yeni sanksiyaları maliyyə naziri Stiven Mnuçin bu gün elan edəcək. Daimi nümayəndə yeni sanksiyaları Suriyada Bəşər Əsəd rejiminin dəstəklənməsi ilə əlaqələndirib. Bu “sanksiya müharibəsi”nin nəticələrini necə olacaq və son nəticədə sanksiyalar ABŞ-ın gözləntilərinə uyğun olaraq Rusiyanın aqressiyasının cilovlanması üçün yetərli ola bilərmi?

Mövzu ilə bağlı PİA.AZ-ın əməkdaşı politoloq Natiq Mirinin fikirlərini öyrənib.

Image result for natiq miri

Natiq Miri: “Ard-arda gələn sanksiyalar Rusiyanın Suriya və Yaxın Şərqdəki iddialarından vaz keçməsi üçündür”.


Rusiyaya qarşı tətbiq edilən sanksiyaların əsas mahiyyətinin Rusiyanın Suriya və Yaxın Şərqdəki siyasi gedişatında dəyişiklik etməsiylə bağlı olduğunu vurğulayan politoloq Natiq Miriyə görə, Rusiyanın tutduğu mövqedən vaz keçməməsi onun daha da sıxışdırılmasına zəmin yaradacaq:

“ABŞ-ın sanksiyaları getdikcə sərtləşdirməsi Rusiyanın iqtisadi cəhətdən bilavasitə çöküşünə hesablanıb. Son saksiyalarda artıq Rusiyada mövcud olan əsas milyarder oliqarxlar hədəfə alınıb  və təbii ki, bu addım Rusiyanın iqtisadi sistemində bir sıra təlatümlər yarada bilər. Onu da qeyd edim ki, bu oliqarxlar Rusiyanın rəhbər strukturlarında yüksək vəzifəyə sahib olan bir sıra şəxslər tərəfindən dəstəklənirlər. Oliqarxlardan başqa, artıq Kremlin özündə olan irimiqyaslı məmurlar  da hədəfə alınıblar. Bu isə hakimiyyət içərisində prezident Putinə qarşı müəyyən narazılıqları təşkil etmək üçün düşünülüb. Bu baxımdan sanksiyaların getdikcə sərtləşməsi Rusiyaya çox ciddi şəkildə təsir edəcək. Bu təsir Rusiya iqtisadiyyatı ilə yanaşı, Rusiyanın siyasi çərçivələrində də prezident Putinə qarşı  ciddi narazılıqlar yarada bilər. 

Sanksiya qəbul olunsa da, hələlik milyarder oliqarxların hesablarının dondurulması prosesi  birmənalı olaraq Qərb, o cümlədən ABŞ-da olan  banklarda hərəkətə keçirilməyib. Bu fəaliyyət başladığı təqdirdə Kremldə çox ciddi siyasi zəlzələlərin baş verəcəyi  ehtimalı yüksək olacaq. Bu baxımdan ABŞ sanksiyaları təsadüf olaraq ortaya qoymayıb. Ard-arda gələn sanksiyalar Rusiyanın Suriya və Yaxın Şərqdəki iddialarından vaz keçməsi üçündür. Əgər Rusiya öz siyasətini davam etdirərsə, daha sərt sanksiyalar tətbiq edilə bilər. Bu isə Rusiyaya çox ciddi mənfi təsir edəcək”.

Gülşən ŞƏRİF
pia.az
Etiket:
loading...