Bu gün Müsavat başqanının müavini Yadigar Sadıqovun həbsinin 1/2 hissəsi tamam olub
Yadigar Sadıqov azadlığa çıxma tələbi ilə yenidən Qaradağ Rayon Məhkəməsinə müraciət edəcək.
Bu barədə Arqument.Az-a Müsavat başqanının müavini Elman Fəttah məlumat verib.
O bildirib ki, Yadigar Sadıqov yaxın günlərdə ərizə ilə məhkəməyə müraciət edəcək: "Artıq bu gün Yadigar bəy həbsinin 21 hissəsini həbsxanada keçirdi. Bundan sonra Qaradağ Rayon Məhkəməsinə müraciət etməyi qərara alıb. Məhkəmənin necə qərar verəcəyindən asılı olmayaraq biz bu hüquqi addımı atacağıq".
Qeyd edək ki, Yadigar Sadıqov 2013-cü il iyunun 27-də Lənkəranda həbs olunub. Lənkəran sakini Rəşid Kərimovu döyməkdə, ona bədən xəsarəti yetirməkdə ittiham olunan Yadigar Sadıqov 2014-cü il yanvarın 13-də Lənkəran Rayon Məhkəməsinin qərarı ilə 6 il müddətinə azadlıqdan məhrum edilib. İyulun 22-də Şirvan Apellyasiya Məhkəməsi həbs cəzasını 4 ilə endirib.
pia.az
Digərxəbərlər
Populyar xəbərlər
