YAP üzvlərinin sayı açıqlandı

Teleqraf.com xəbər verir ki, modern şəkildə oxucuların ixtiyarına verilən, operativ xəbərlərlə təmin olunan saytda bir çox bölmələr fəaliyyət göstərir.

Burada oxucular mərhum eks-prezident Heydər Əliyevin həyatı, onun Azərbaycan Respublikası və xalqı qarşısında göstərdiyi xidmətlər, partiyanın tarixi, rəhbərliyi və fəaliyyəti, həmçinin, Ermənistan-Azərbaycan, Dağlıq Qarabağın münaqişəsinin tarixi haqqında məlumatlar əldə edə bilərlər. Sayt vasitəsilə vətəndaşlara birbaşa partiya rəhbərliyinə məktub yazmaq imkanı yaradılıb. Saytda partiya üzvlərinin sayı da göstərilib – 625 min 747 nəfər.

YAP-ın sosial şəbəkələrdəki səhifələrinə birbaşa keçidin qoyulduğu saytda çoxlu video və fotoreportajlar da yer alır. Qeyd edək ki, sayt iki dildə – Azərbaycan və ingilis dilində fəaliyyət göstərir.