Ölkə ərazisində noyabrın 22-si gündüzdən 23-ü səhərədək hava şəraiti qeyri-sabit olub, yağış yağıb, bəzi yerlərdə leysan xarakterli intensiv olub, dağlıq və dağətəyi rayonlarda qar yağıb
Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, şimal-qərb küləyi əsib, Bakıda və Abşeron yarımadasında və bəzi rayonlarda arabir güclənib.
Düşən yağıntının miqdarı Bakıda və Abşeron yarımadasında, Zabrat, Binə, Montində 1, Lənkəran-Astara zonasında 1-42, Böyük Qafqazda 2-25, Kiçik Qafqazda 6-9, Mərkəzi-Aran rayonlarında 1-9, Naxçıvan MR-da 1-4, Qazax-Gəncə zonasında 1-3 mm olub.
Qar örtüyünün hündürlüyü Sarıbaş, Xınalıqda 22, Şahdağda 21, Qusarda 6, Gədəbəydə 5, Başdaşağıl və Altıağacda 4, Daşkəsən və Kişçayda (Şəki) 2, Qubada 1 sm təşkil edib.
***
09:36
Ötən gün axşam saatlarından şimal bölgəsinə qar yağmağa başlayıb.
APA-nın şimal bürosunun verdiyi məlumata görə, rayonun Xınalıq kəndində qarın hündürlüyü 22 sm çatıb. Kənd sakinləri qarın hazırda da davam etdiyini bildirib.
Ucqar dağ kəndləri ilə yanaşı, Qubanın rayon mərkəzinə də təxminən 1 sm-dək qar düşüb.
pia.az
Digərxəbərlər
Populyar xəbərlər
