UEFA-nın reytinq siyahısı açıqlanıb
PİA.AZ apasport.az-a istinadən xəbər verir ki, Çempionlar Liqasında 1/8 final mərhələsinin ilk oyunları çərçivəsində baş tutan son 4 qarşılaşma və Avropa Liqasında 1/16 final mərhələsinin üç cavab oyunundan sonra cədvəldə dəyişikliklər qeydə alınmayıb.
Belə ki, quruma üzv olan 54 ölkədən bəzilərinin xal hesabı artsa da mövqe dəyişikliyi baş verməyib. Liderliyini möhkəmlədən İspaniya xal hesabını kifayət qədər yüksək hesab edilən 100 həddinə yaxınlaşdırıb.
Klubları mübarizəni davam etdirən 19 ölkə təmsilçilərindən 3-ü üçün mövsüm başa çatıb. Lakin onlar ölkələrinin yeganə klubu olmadığından "19-luq" yoluna davam edir.
26-cı pillədə qərarlaşan Azərbaycanın həm mövqeyi, həm də qonşuları ilə fərqi dəyişməz qalıb. Buna 25-ci və 27-ci yerlərdə olan ölkələrin komandalarının bu gün meydana çıxacağı səbəb olub. Kipr APOEL-i və Bolqarıstan "Ludoqorets"i Avropa Liqasında 1/16 finalın cavab matçına çıxacaq.
pia.az
Digərxəbərlər
Populyar xəbərlər
