Timati özünün mobil rabitə operatorunu yaradır

Tanınmış repçi Timati özünün şəxsi mobil rabitə operatorunu işə salacaq

Lent.az-ın “riafan.ru” saytına istinadən verdiyi məlumata görə, sənətçi həmçinin internet bankçılığı ilə məşğul olmaq niyyətindədir. Artistin mobil rabitəsi “Stars” adlanacaq. Şəbəkəni ötən il mobil rabitə bazarına çıxan “Atlas” şirkəti quracaq. Layihənin əsas hədəf auditoriyası 16 yaşdan 25 yaşına qədər olan yeniyetmələrdir.

Timati bildirib ki, layihənin reallaşdırılması bir neçə mərhələdən ibarət olacaq və bir ildən sonra başa çatacaq. İlk olaraq müştərilərə “Cashback” açıq olacaq, onun fəaliyyətə başlaması sentyabr ayı üçün nəzərdə tutulub. Yeni il ərəfəsində mobil rabitə tam fəaliyyətə başlayacaq. Gələn ilin yazında isə internet bankçılığı işə düşəcək. Bu xidmətləri gənc nəsil müxtəlif endirimlərlə və xüsusi aksiyalarla əldə edə biləcək. “Stars” mobil rabitəsinin istifadəçiləri internetdə musiqiyə limitsiz çıxış əldə edəcəklər, həmçinin konsert və digər tədbirlərə endirimlər qazanacaqlar.

Analitiklərin sözlərinə görə, bazarda seçim böyük olduğundan Timatinin bu işdən ciddi gəlir əldə etməsi gözlənilmir. Hazırda rusiyalıların əlində 250 milyon ədədə yaxın sim kart mövcuddur.

pia.az