Bir neçə gündür ki, Azərbaycan televiziyalarında yayımlanan populyar verilişlərin bir-birinin ardınca bağlanması ilə bağlı xəbərlər yayılmaqdadır
Yayılan məlumatlara əsasən artıq ATV-nin “Öz aramızda”, ANS-in “A-dan Z-yə”, “Şokolad” “Axtarıram səni” verilişləri bağlanıb, bir sıra proqramlarda isə aparıcılar və format dəyişikliyi edilib.
“Qafqazinfo”nun əldə etdiyi məlumata görə, verilişlərin bağlanması ilə bağlı MTRŞ-nin günorta saatlarında başlayan iclası hələ də davam edir. Konkret olaraq saat 15:00-dan başlayan iclasda bir sıra televiziya təmsilçilərinin də iştirak etdiyi bildirilir.
İclas başa çatan kimi mətbuata verilişlərin bağlanma səbəbi ilə bağlı geniş açıqlama veriləcək.
pia.az