Oktyabrın 4-də Musiqili Teatrda tanınmış teatr rejissoru, əməkdar incəsənət xadimi Əli Usubovun 80 illik yubileyi qeyd olunacaq
Teatrın mətbuat xidmətinin rəhbəri Samir Sədaqətoğlu Axşam.az-a bildirib ki, yubliley münasibətilə rejissorun quruluş verdiyi böyük bəstəkar, SSRİ xalq artisti Rauf Hacıyevin bu yaxınlarda premyerası olan “Qafqazlı qardaşqızı” operettası nümayiş olunacaq.
Əli Teymur oğlu Usubov 1935-ci ildə Kirovabad (indiki Gəncə) şəhərində anadan olub. 1961-65-ci illərdə Ü. Hacıbəyli adına Azərbaycan Dövlət Konservatoriyasının vokal fakültəsində, 1965-70-ci illərdə isə N.A. Rimski-Korsanov adına Leninqrad Dövlət Konservatoriyasında musiqili teatr rejissorluğu fakültəsində Rusyanın Xalq artisti, professor Roman Tixomirovun sinfində təhsil alıb.
Təhsilini başa vurduqdan sonra Azərbaycan Dövlət Opera və Balet Teatrında quruluşçu-rejissor, baş rejissor, Respublika Sarayında baş rejissor, Azkonsertdə bədii rəhbər, Omsk Dövlət Musiqili Teatrında baş rejissor vəzifələrində çalışıb.
pia.az
Digərxəbərlər
Populyar xəbərlər
