2016-cı ildə dünya üzrə kredit və debet kartları ilə ödənişlərin dövriyyəsi 23,2 trilyon dollar təşkil edəcək
"APA-Economics" xəbər verir ki, bu barədə "MarketWatch" "Euromonitor International" şirkətinin tədqiqatına istinadən xəbər verir.
Cari ilin sonuna nağd alış-verişin dövriyyəsi isə 22,6 trilyon dollar olacaq.
Beləliklə, tarixdə ilk dəfə nağdsız ödəniş dövriyyəsi nağd alış-veriş həcmini üstələyəcək.
Tədqiqatın nəticələri göstərir ki, 2002-ci ildən etibarən nağd ödənişlərin həcmi azalmaqdadır, kredit və debet kartları ilə ödənişlərin dövriyyəsi isə artır.
Bildirilir ki, Asiya - Sakit Okean regionunda bu il nağdsız ödənişlərin həcmi 1,7 trilyon dollar artacaq. Şimali Amerikada isə 187 milyard dollarlıq artım gözlənilir.
pia.az
Digərxəbərlər
Populyar xəbərlər
