Gəncədə taksi sürücüsü döyülüb
Hadisə bu gün gecə saat 1 radələrində baş verib.
Region Tv verilən məlumata görə, Gəncə sakini, 30 yaşlı Amid Abbasov Gəncə şəhər Təcili Tibbi Yardım Xəstaxanasının travmatologiya şöbəsinə gələrək döyüldüyünü bildirib. Həkimlərin müayinəsi zamanı məlum olub ki, Amid Abbasovun üst dodağı və burun nahiyəsi əzilib.
Yaralıya ilkin tibbi yardım göstərilib. Amid Abbasovun deməsinə görə, onu avtomobilində olan sərnişinlər döyüb.
Faktla bağlı araşdırma aparılır.
pia.az