Sumqayıt Dövlət Texniki Kollecində zorla pul yığılır
Sumqayıt Dövlət Texniki Kollecində biabırçı vəziyyət hökm sürür. Direktor Mətanət Pirquliyeva imtahan adı altında müəllim və tələbələrdən zorla pul yığdırır.
Kollecin direktoru böyük pullar qazanmaq həvəsinə düşüb. Elə bu səbəbdən də hərəkətə keçdiyi bildirilir. Məlumatda deyilir ki, direktor Mətanət Pirquliyevanın tapşırığına əsasən bir tələbə belə pul vermədən imtahandan keçə bilməyəcək. Nəzərdə tutulan məbləğ isə 50 manatdan başlayır və 250 manata qədər artır.
Qeyd edək ki, kollecdə Texnologiya müəllimliyi, Mühasibat uçotu, Gömrük işi, Elektrik stansiyalarının və yarımstansiyaların elektrik avadanlıqlarının quraşdırılması, Nəqliyyat vasitələrinin texniki istismarı (nəqliyyat növləri üzrə), Nəqliyyatda daşımaların təşkili, Yol hərəkətinin təşkili, Kompyuter şəbəkələrinin və hesablama texnikasının təmiri və servis xidməti, Kimyəvi birləşmələrin keyfiyyətinə analitik nəzarət ixtisaslar üzrə mütəxəssislər hazırlanır.
Tələbələr isə TİA.AZ-a məlumat verib ki, kollecin direktoru təhsil ocağına daha çox biznes və gəlir sahəsi kimi baxır. Bu səbəbdən də SDTK-da təhsilin aşağı həddə olması qeyd olunur. Onu da xatırladaq ki, Mətanət Pirquliyeva Konstitusiya Məhkəməsinin sabiq sədri İsa Nəcəfovun qohumudur. Qarşı tərəfi də dinləməyə hazırıq.
pia.az
Digərxəbərlər
Populyar xəbərlər
