Frankfurtda keçirilən Beynəlxalq avtomobil şousunda Audi şirkəti özünün yeni "Audi Aicon" modelini təqdim edib
PİA.AZ publika.az-a istinadən xəbər verir ki, "Audi Aicon" modelini şirkətin istehsal etdiyi digər avtomobillərdən fərqləndirən əsas cəhəti avtomobildə sükan və pedalın olmamasıdır.
"Audi Aicon" tamamilə sərbəst idarə olunan avtomobil olaraq təqdim edilib. 4 qapılı nəqliyyat vasitəsi elektrik enerjisi ilə işləyəcək və tam dolmuş enerji ilə 700-800 kilometrə qədər məsafəni qət edə biləcək.
Avtomobilin zahiri görünüşünə və salonuna xüsusi diqqət yetirilib. Ön şüşənin diametri artırılıb. Yan pəncərələr isə aşağı-yuxarı deyil, sol və sağ istiqamətə hərəkət etdirilə bilir.
Güman edilir ki, batareyaların hesabına maşınların gediş ehtiyatını artırmaq olar.
Sözügedən modelin ilk prototipinin 2017-ci ilin sonuna kimi hazırlanacağı qeyd olunub.
pia.az
Digərxəbərlər
Populyar xəbərlər
