Uqanda parlamenti sosial şəbəkələrdən istifadə olunmasına görə vergi tutulmasını nəzərdə tutan qanun qəbul edib
Lent.az-ın BBC-yə istinadən verdiyi xəbərə görə, qanuna əsasən “Facebook”, “WhatsApp”, “Viber” və “Twitter”dən istifadə edən vətəndaşlar gündə 200 Uqanda şillinqi (0,05 dollar) ödəməlidir.
Ölkə prezidenti Kaquta Museveni bu yolla internetdə yalan məlumatların yayılmasının qarşısını almağı düşünür. Qanun başqa vergiləri də nəzərdə tutulur, məsələn, hər mobil ödənişdən 1% vergi tutulacaq.
Maliyyə naziri Matia Kasaya deyib ki, qanun interneti məhdudlaşdırmağa yönəlməyib: “Biz ölkənin təhlükəsizliyini və insanların sosial şəbəkələrdən daha çox istifadə etməsini təmin etmək üçün şəbəkəni genişləndirməyə pul axtarırıq”.
Qeyd edək ki, Uqandada 2016-cı ildə keçirilən prezident seçkiləri zamanı sosial şəbəkələrə giriş məhdudlaşdırılıb.
pia.az