Məşhur milyarder Corc Sorosun Açıq Cəmiyyət İnstitutunun Türkiyədəki qurucusu, "Qızıl Soros" ləqəbli Osman Kavala saxlanılıb
Virtualaz.org yerli KİV-ə istinadən bildirir ki, Kavala Türkiyə Cümhuriyyəti Konstitusiyasını zorla dəyişdirməyə və zor tətbiq edərək hökuməti devirməyə təşəbbüsdə ittiham olunur.
“Qaranlıq əlaqələr şəbəkəsi” iddiaları ilə müxtəlif zamanlarda gündəmə gələn Kavalanın ABŞ-ın xüsusi xidmət orqanlarının nümayəndələrindən olan və FETÖ-nün sözçülərindən biri Maykl Rubin, PYD-nin keçmiş lideri Saleh Müslüm, PKK istintaqı nəticəsində həbs olunan keçmiş HDP sədri Səlahəddin Dəmirtaşla birgə fotosu ortaya çıxıb. Məlumata görə, ötən gecə İstanbulun Atatürk Hava Limanında saxlanılan Osman Kavala 15 iyul hadisələrinin iştirakçısı kimi dindirilir.
Qeyd edək ki, 2013-ci ildə həyata keçirilən "Gəzi" hadisələrində adı gündəmə gələn iş adamı Osman Kavala F-16 təyyarələrini modernləşdirən şəxs olaraq da tanınır. Eyni zamanda Türkiyə Xalqların Demokratik Partiyasının (HDP) prezident Rəcəb Tayyib Ərdoğan üçün istifadə etdiyi “Səni pezident seçməyəcəyik” şüarının müəllifi də Kavaladır. Məlumatlara görə, Kavala HDP-li Sirri Sürəyya Öndər vasitəsilə İmralı adasında həbsdə olan PKK lideri Abdullah Öcalana mütəmadi olaraq məktublar göndərirmiş.
pia.az