«AzPolitika.info»-nun xarici KİV-ə istinadla verdiyi xəbərə görə, Sinqapur Koreya Xalq Demokratik Respublikası (KXDR) ilə ticarət münasibətlərini dayandırıb
Bu barədə gömrük xidmətinə istinadla, cümə axşamı “Channel News Asia” telekanalı xəbər verib.
«Sinqapur KXDR ilə sənaye miqyasında mal-məhsul ticarətini qadağan edir» – deyə, gömrük xidmətinin bəyanatında deyilir.
Telekanalın məlumatına görə, Sinqapur KXDR-nın ən böyük və BMT sanksiyaları şəraitində onunla ticarət əməkdaşlığını dayandıran həmkarlarından biridir.
Dünya birliyinin təzyiqlərinə baxmayaraq, KXDR özünün raket və nüvə proqramını davam etdirir. Sentyabrın 3-də KXDR hidrogen döyüş başlığını uğurla sınaqdan keçirdiyini bəyan edib. Belə başlıqlar qitələrarası ballistik raketləri təchiz etmək üçündür.
Yaponiya və Cənubi Koreya hərbçiləri sınaqdan keçirilmiş bu başlığın gücünü ilkin olaraq 160 kiloton, başqa sözlə, 1945-ci ildə Yaponiya şəhərləri Xirosima və Naqasakiyə atılmış atom bambalarından 10 dəfə artıq gücə malik olduğunu bildiriblər. Bu, Pxenyanın sayca 6-cı nüvə sınağı olub. Bundan bir həftə əvvəl isə KXDR ballistik raketini sınaqdan keçirib – raket Yaponiya ərazisi üzərindən uçaraq keçib.
Bununla əlaqədar olaraq, Birləşmiş Millətlər Təşkilatı Təhlükəsizlik Şurası (BMT TŞ) KXDR-a qarşı yekdilliklə yeni sanksiyalar tətbiq edib. Bu sanksiyalar Şimali Koreyanın idxal-ixrac imkanlarını xeyli məhdudlaşdırır.
pia.az
Digərxəbərlər
Populyar xəbərlər
