Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Şəmsəddin Hacıyev həbs oluna bilər

Baş Prokurorluq araşdırma aparır


“İqtisad Universiteti ilə bağlı başlanmış cinayət işi üzrə zəruri ilkin dövr üçün araşdırma aparılmalıdır. Həmin araşdırmanın nəticəsində isə təqsirkar şəxslər cinayət məsuliyyətinə cəlb oluna bilər. Faktla bağlı hələ ki, kimin günahkar olduğunu demək olmaz. Bu, aparılmış istintaqın nəticəsindən asılı olacaq”.

PİA.AZ xəbər verir ki, bu sözləri modern.az-a tanınmış hüquqşünas Adəm Məmmədov İqtisad Universiteti ilə bağlı başlanmış cinayətindən danışarkən deyib.

Hüquqşünas bildirib ki, faktla bağlı konkret şəxsləri məsuliyyətə cəlb etmək üçün yetərli dəlillər toplanmalıdır:

“Və yalnız bundan sonra ayrı-ayrı şəxslərə qarşı cinayət işi başlana bilər. Eyni zamanada, istintaqın nəticələrindən asılı olaraq konkret şəxslərə qarşı cinayət işi başlamaq və ya cinayət işini rədd etmək haqqında qərar qəbul edilə bilər. Kimin məsuliyyətə cəld ediləcəyi və ya kimlərin kənarda qalacağı ifadələrdən, dəlillərin əsaslılığı və yetərliliyindən asılı olacaq. Bunun üçün kimlərin məsuliyyətə cəlb olunacağı ilə bağlı açıqlama vermək hələ ki tezdir”.

Adəm Məmmədov qeyd edib ki, əgər istintaq yolu ilə mötəbər sübutlar İqtisad Universitetinin rəhbərliyinin birbaşa rolunun olmasına yönəlsə, o zaman Baş prokuror Milli Məclisə Şəmsəddin Hacıyevin mandatdan məhrum edilməsi ilə bağlı təqdimat göndərə bilər:

“Həmin təqdimatın nəticəsinə uyğun olaraq deputat mandatdan məhrum ediləcək və istintaqa cəlb olunacaq. Amma bir daha xatırladıram ki, bütün bunlar aparılmış istintaqın nəticəsindən asılı olacaq”.

Qeyd edək ki, bir müddət əvvəl Hesablama Palatasının Kollegiya iclasında dövlət büdcəsindən Azərbaycan Dövlət İqtisad Universitetinə ayrılan vəsaitlərin və büdcədənkənar daxilolmaların proqnozlaşdırılması və icrasına dair aparılmış auditin nəticələri üzrə Hesabat müzakirə olunub.

Hesablama Palatasının Kollegiyası Azərbaycan Dövlət İqtisad Universiteti tərəfindən 2012-2014-cü illərdə təhsil haqqı üzrə daxilolmaların uçotunun aparılması, təhsil haqlarının yığılması və Universitetin bank hesabına köçürülməsi sahəsindəki nöqsanların ciddiliyini, eləcə də təhsil haqqı üzrə debitor-kreditor borclarının uçotdan yayındırılmasını nəzərə alaraq qanunamüvafiq tədbirlərin görülməsi üçün müvafiq materialların Azərbaycan Respublikasının Baş Prokurorluğuna göndərilməsi barədə qərar qəbul edib.

Həmin qərarın icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirinin nəticələri barədə məlumatın Azərbaycan Respublikasının Milli Məclisinə təqdim olunması qərara alınıb. İclasda, aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib.

Xatırladaq ki, 2012-2014-cü illərdə İqtisad Universitetinə deputat Şəmsəddin Hacıyev rektorluq edib.

Baş Prokurorluqdan instintaqın gedişi və hansı mərhələdə olduğu barədə yeni məlumat verilməyib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Alen Simonyan və Sahibə Qafarova arasında keçiriləcək növbəti görüşün tarixi məlum olub

Fələstinin yeni xarici işlər naziri ermənidir...

Şəkidə 26 yaşlı gənc sirkə turşusundan zəhərlənib

Ən çox oxunanalar