Şəmkirin Düyərli kəndində ağır yol qəzası qeydə alınıb
“ARB TV”dən verilən xəbərə görə, idarəetmədən çıxan “VAZ-2106” markalı avtomobil yoldan çıxaraq ağaca çırpılıb.
Nəticədə Sabirkənd kənd sakini, 28 yaşlı Ayaz Allahverdiyev və 31 yaşlı Emin Məmmədov adlı şəxslər ölüb.
Avtomobildə olan sərnişinlər 22 yaşlı Xəyyam Əmiraslanov və 20 yaşlı Elzamin Əmiraslanov isə müxtəlif bədən xəsarətləri ilə Gəncə şəhər Təcili Tibbi Yardım Xəstəxanasının travmatologiya şöbəsinə yerləşdiriliblər. Onlara ilkin tibbi yardım göstərilib. Vəziyyətləri orta ağırdır.
Qəzaya düşənlər Sabirkənd kəndindən Zəyyəm Cırdaxan kəndinə toy mərasiminə gedirlərmiş.
Faktla bağlı araşdırma aparılır.
* * *
Şəmkirdə ağır yol qəzası baş verib.
APA-nın verdiyi məlumata görə, hadisə rayonun Düyərli kəndi ərazisində qeydə alınıb.
Rayon mərkəzində keçirilən toy mərasiminə gedən Sabirkənd kənd sakinlərinin olduğu “VAZ-2106” markalı avtomobil yoldan çıxaraq maneəyə çırpılıb.
İlkin məlumata görə, qəza nəticəsində Şəmkir sakini - 1990-cı il təvəllüdlü Ayaz Allahverdiyev, avromobilin sürücüsü, 1987-ci il təvəllüdlü Emin Məmmədov ölüb, 1998-ci il təvəllüdlü Elami Əmiraslanov, onun əmisi oğlu, 1996-cı il təvəllüdlü Xəyyam Əmiraslanov isə xəsarət alıb.
Faktla bağlı araşdırma aparılır.
pia.az
Digərxəbərlər
Populyar xəbərlər
